Qazgidromet 2, 3, 4 qazanǵa arnalǵan aýa raiy boljamyn jariialady, dep habarlaidy Dalanews.kz.
Qazaqstannyń basym bóliginde jańbyr men qar túrinde jaýyn-shashyn, kóktaiǵaq boljanyp otyr.
2–3 qazan kúnderi respýblikanyń shyǵys jáne ońtústik-shyǵys aimaqtarynda qatty jaýyn-shashyn jaýady. Tek Qazaqstannyń batysynda jaýyn-shashynsyz, ashyq aýa raiy bolady. Respýblika boiynsha tuman túsip, jel kúsheiedi.
Aýa temperatýrasy mynadai bolady:
- Batys aimaqtarda aýa temperatýrasy birtindep kóteriledi: túnde 2-13 gradýsqa deiin, kúndiz 20-25 gradýsqa deiin.
- Respýblikanyń soltústik-batysynda túnde 1-9 gradýs aiaz bolsa, kúndiz 5-20-dan 10-23 gradýsqa deiin kóteriledi.
- Soltústik aimaqtarda túnde 7 gradýstan 3 gradýs aiazǵa deiin tómendeidi, kúndiz negizinen 3-13 gradýs jyly bolady.
- Ortalyqta túnde 8 gradýstan 2 gradýsqa deiin tómendep, kúndiz negizinen 5-18 gradýs jyly bolady.
- Ońtústik aimaqtarda aýa temperatýrasy birtindep kóteriledi: túnde 2-10 gradýs jyly, kúndiz 15-25 gradýs jyly.
