Almaty oblystyq soty Qonaev qalasynyń soty shyǵarǵan sheshimdi joiyp, Qapshaǵai sý qoimasy jaǵasyndaǵy 150 gektar jer telimin burynǵydai jekemenshik qolda qaldyrdy, dep habarlaidy Dalanews.kz.
Atalǵan jer ýchaskesi 18 jyl buryn jekege ótken. Bastapqyda bul aýmaqta zoopark pen turǵyn úi kesheni salynýy tiis bolǵan. Keiin bul aýmaq birneshe ret bólinip, ártúrli menshik ielerine ótip ketken.
Orda.kz málimetinshe, 2024 jylǵy 28 mamyrda Qonaev qalalyq soty jer telimine qatysty satyp alý-satý jáne syiǵa tartý kelisimderin jaramsyz dep tanyǵan bolatyn. Alaida bul sheshimge apelliatsiialyq shaǵym daiyndalǵan.
31 shildede Almaty oblystyq sotynda apelliatsiialyq otyrys ótti. Jaýapkerlerdiń biriniń aitýynsha, oblystyq sot qalalyq sottyń sheshimin tolyǵymen joiǵan. Sondai-aq «Orda» derekkózderiniń habarlaýynsha, sot birinshi instantsiiada protsestik normalardyń buzylǵanyn atap kórsetken.
Aita keteiik, osy zoopark salynýy tiis bolǵan aýmaqtyń bir bóliginde qazirgi tańda balalar ortalyǵy ornalasqan. Onda Baǵanashyldaǵy balalar úiinen tárbielenýshilerdi kóshirý josparlanǵan edi.
