Búgin Mańǵystaý oblysy boıynsha «Memlekettik áleýmettik saqtandyrý qory» AQ-y fılıalynyń dırektory Nursulý Qonbaeva qańtardan bastap memlekettik áleýmettik saqtandyrýdyń járdemaqy mólsheri óskenin málimdedi, – dep habarlaıdy Dalanews.kz Mańǵystaý oblysynyń qoǵamdyq komýnıkasıa ortalyǵyna silteme jasap.

– 2021 jyldan bastap járdemaqylar men tólemderdiń mólsheri kúnkóris deńgeıiniń ósýine proporsıonaldy túrde ósti. Sonymen qatar, jumyssyz retinde tirkelgen adamdar sońǵy 2 jylda jumys berýshilerden túsken áleýmettik aýdarymdarǵa baılanysty MÁSQ-dan jumysynan aıyrylýy jaǵdaıyna áleýmettik tólemder alady.

Byltyrǵy jyly azamattarymyz jumyssyz retinde  elektrondy tirkelýge jáne elektrondyq eńbek bırjasy (www.enbek.kz) portaly arqyly áleýmettik tólem taǵaıyndaýǵa ótinish berýge múmkindik aldy. Al byltyr Mańǵystaý oblysynda MÁSQ-dan 52 211 alýshyǵa jalpy somasy 16 238 mln teńge áleýmettik tólemder júrgizildi. Mindetti áleýmettik saqtandyrý júıesi jónindegi barlyq qosymsha suraqtar boıynsha www.gfss.kz.  saıtynan bilýge bolady, – dedi Nursulý Qonbaeva.