Eske sala keteiik, 37 jastaǵy Ermek Ábdireshov qańtar oqiǵasynan keiin soqyr bop qalǵan bolatyn. Bir kózi mitingtiń qyzyp turǵan shaǵynda betine rezeńke oq tiip, kózin zaqymdaǵan. Ekinshi kózi tergeý izoliatoryndaǵy azaptaýdan keiin kórmei qalǵan.
5 qańtar kúni Ermek Almaty qalasyndaǵy Respýblika alańynda ótken beibit mitingke shyqqan bolatyn. Sol kezde quqyq qorǵaýshylar demonstranttarǵa qarsy jaryq shýyly bar granatalar jaryp, travmatikalyq tapanshalarmen oq jaýdyrǵan-dy. Sol kezde Ermek jaralanyp, jansaqtaý bólimine túsedi.
Arada tórt kún ótkennen keiin ony forma kigen adamdar kelip, aýrýhanadan alyp ketedi. Olar ony tergeý izoliatoryna aparyp, tártipsizdikterge qatysqany úshin aiyptaǵan.
Qordyń habarlaýynsha, jigittiń otbasy onyń tergeý izoliatorynda otyrǵanyn tek 19 qańtarda ǵana bilgen. Týystary shý kóterip, Ermekti tergeý izoliatorynan alyp shyǵady. Keiin Almaty turǵyny is boiynsha jábirlenýshi bolyp tanyldy.
Ermek Ábdireshovke qatysty QANTAR qorynyń advokattary kóptegen zań buzýshylyqty anyqtaǵan. Mysaly, soqyr adamnan zańdy ókilsiz jaýap alynǵan. Sondai-aq, oqi almaityn bile tura, jaýap alý hattamasyna qol qoiýǵa májbúrlegen.
Aiyptaýdy alyp tastaý – áli kúrestiń basy ǵana. Alda áli jumys kóp. Ermekti azaptaǵan politsei áli kúnge bostandyqta. Ol is boiynsha kýáger retinde ótedi. Quqyq qorǵaýshylar onyń qatysýymen azaptaýdyń 13 epizodyn anyqtady. Politseidi zardap shekkender men kýágerler tanydy, –delingen QANTAR qory taratqan málimette.
