«Qańtar» oqiǵasy boiynsha jetkizilgendi azaptaǵan politsiia qyzmetkeri sottaldy, - dep habarlaidy Dalanews.kz.
Almaty qalasynyń Qylmystyq ister jónindegi mamandandyrylǵan aýdanaralyq soty, kináni moiyndaý týraly protsestikkelisiminiń negizinde «qańtar» oqiǵalarykezinde jetkizilgen adamǵa azaptaýdy qoldanǵany úshin (QK-niń 146-baby) aiyptaý úkimin shyǵardy.
Qylmystyq isti Almaty qalasynyń arnaiy prokýrorlary tergep-tekserdi.
Prokýrorlar 2022 jylǵy 8 qańtarda Almaly aýdanynyń Politsiia basqarmasynda kináli politsiia qyzmetkeriniń jetkizilgen azamatqa qatysty azaptaýlardy qoldanǵanyn dáleldedi.
Politsiia qyzmetkeriniń quqyqqa qarsy áreketteriniń nátijesinde jábirlenýshige tán azaby keltirilgen.
Kináni moiyndaý týraly protsestik kelisimin eskere otyryp, sot úkimimen sottalýshyǵa arnaiy ataǵynan jáne memlekettik qyzmette jumys isteý quqyǵynan aiyra otyryp, 2 jyl 6 ai merzimge bas bostandyǵyn shekteý túrindegi jaza taǵaiyndaldy.
Úkim zańdy kúshine endi.
Eske salaiyq, biyl mamyrda Qańtardaǵy azaptaý deregi boiynsha joǵary shendi politsei ustalǵan bolatyn.
Bas prokýratýra málimetinshe, 2022 jylǵy qańtarda Almaty oblysy Qarasai aýdany Koshmambet aýylynda ornalasqan arnaiy qabyldaý ornynda azamattardy azaptaý boiynsha qylmystyq is tergelip jatyr.
Tergelip jatqan qylmystyq is sheńberinde 2024 jylǵy 28 mamyrda QPK-niń 128-babyna sáikes Almaty qalasy Politsiia departamenti bastyǵynyń burynǵy orynbasary Berik Ábilbekov ustalǵan.
Prokýratýra QPK-niń 201-baby negizinde is boiynsha ózge de tolyǵyraq aqparat jariialanbaitynyn habarlady.
Orda.kz málimetinshe, Ábilbekov qańtar oqiǵasy kezinde soqqyǵa jyǵylǵan qyrǵyz djazmeni Vikram Rýzahýnovtyń aryzynan keiin ustalǵan.
"Dárigerler onyń kóptegen jaraqaty bar ekenin anyqtady. Eks-basshynyń tutqyndalýy Rýzahýnovtyń azaptaý isine bailanysty. Muny Rýzýhýnovtyń advokaty Rena Kerimova rastady", - dep jazylǵan basylym málimetinde.
