«قاڭتار» وقيعاسى بويىنشا جەتكىزىلگەندى ازاپتاعان پوليسيا قىزمەتكەرى سوتتالدى، - دەپ حابارلايدى Dalanews.kz.
الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى، كىنانى مويىنداۋ تۋرالى پروسەستىككەلىسىمىنىڭ نەگىزىندە «قاڭتار» وقيعالارىكەزىندە جەتكىزىلگەن ادامعا ازاپتاۋدى قولدانعانى ءۇشىن (قك-نىڭ 146-بابى) ايىپتاۋ ۇكىمىن شىعاردى.
قىلمىستىق ءىستى الماتى قالاسىنىڭ ارنايى پروكۋرورلارى تەرگەپ-تەكسەردى.
پروكۋرورلار 2022 جىلعى 8 قاڭتاردا المالى اۋدانىنىڭ پوليسيا باسقارماسىندا كىنالى پوليسيا قىزمەتكەرىنىڭ جەتكىزىلگەن ازاماتقا قاتىستى ازاپتاۋلاردى قولدانعانىن دالەلدەدى.
پوليسيا قىزمەتكەرىنىڭ قۇقىققا قارسى ارەكەتتەرىنىڭ ناتيجەسىندە جابىرلەنۋشىگە ءتان ازابى كەلتىرىلگەن.
كىنانى مويىنداۋ تۋرالى پروسەستىك كەلىسىمىن ەسكەرە وتىرىپ، سوت ۇكىمىمەن سوتتالۋشىعا ارنايى اتاعىنان جانە مەملەكەتتىك قىزمەتتە جۇمىس ىستەۋ قۇقىعىنان ايىرا وتىرىپ، 2 جىل 6 اي مەرزىمگە باس بوستاندىعىن شەكتەۋ تۇرىندەگى جازا تاعايىندالدى.
ۇكىم زاڭدى كۇشىنە ەندى.
ەسكە سالايىق، بيىل مامىردا قاڭتارداعى ازاپتاۋ دەرەگى بويىنشا جوعارى شەندى پوليسەي ۇستالعان بولاتىن.
باس پروكۋراتۋرا مالىمەتىنشە، 2022 جىلعى قاڭتاردا الماتى وبلىسى قاراساي اۋدانى كوشمامبەت اۋىلىندا ورنالاسقان ارنايى قابىلداۋ ورنىندا ازاماتتاردى ازاپتاۋ بويىنشا قىلمىستىق ءىس تەرگەلىپ جاتىر.
تەرگەلىپ جاتقان قىلمىستىق ءىس شەڭبەرىندە 2024 جىلعى 28 مامىردا قپك-نىڭ 128-بابىنا سايكەس الماتى قالاسى پوليسيا دەپارتامەنتى باستىعىنىڭ بۇرىنعى ورىنباسارى بەرىك ابىلبەكوۆ ۇستالعان.
پروكۋراتۋرا قپك-نىڭ 201-بابى نەگىزىندە ءىس بويىنشا وزگە دە تولىعىراق اقپارات جاريالانبايتىنىن حابارلادى.
Orda.kz مالىمەتىنشە، ابىلبەكوۆ قاڭتار وقيعاسى كەزىندە سوققىعا جىعىلعان قىرعىز دجازمەنى ۆيكرام رۋزاحۋنوۆتىڭ ارىزىنان كەيىن ۇستالعان.
"دارىگەرلەر ونىڭ كوپتەگەن جاراقاتى بار ەكەنىن انىقتادى. ەكس-باسشىنىڭ تۇتقىندالۋى رۋزاحۋنوۆتىڭ ازاپتاۋ ىسىنە بايلانىستى. مۇنى رۋزۋحۋنوۆتىڭ ادۆوكاتى رەنا كەريموۆا راستادى"، - دەپ جازىلعان باسىلىم مالىمەتىندە.
