Almaty qalalyq máslihatynyń burynǵy depýtaty Qairat Qudaibergenge qatysty sot úkimi shyǵyp, ol 8 jylǵa bas bostandyǵynan aiyryldy, dep habarlaidy Dalanews.kz.
Tergeý málimetti boiynsha Qudaibergen 2022 jyldyń qańtarynda Almatydaǵy jappai tártipsizdikti uiymdastyrýǵa qatysqan. Prokýrorlardyń aitýynsha, ol «Dikii Arman» laqap atymen tanylǵan Arman Jumageldievpen birge «Qazaqstan» qonaqúiinde adamdar jinaýdy jáne olardy «aq tańǵyshtar» arqyly topqa bólýin úilestirgen. Olar biryńǵai talap qoiý úshin Armannyń ainalasyna birigýge shaqyrǵan.
Qairat Qudaibergenge qatysty sot protsesi 2023 jyldyń qyrkúieginde bastaldy. Sot jabyq formatta ótti. Aqyry sot ony 8 jylǵa bas bostandyǵynan aiyrý jáne qoǵamdyq qyzmet atqarýǵa tyiym salý týraly úkim shyǵardy.
Sot sheshimimen Qairat Qudaibergen memlekettik nagradasynan – «Qurmet» ordeninen aiyryldy. Buǵan qosa, oǵan qoǵamdyq qyzmetpen ainalysýǵa tolyqtai tyiym salynǵany habarlandy.
Eske salsaq, Qudaibergen 2022 jyldyń sáýirinde ustalyp, tergeý ótken jyldyń jeltoqsan aiynda aiaqtalǵan bolatyn.
