Almatyda "Qazaqstan" jańa medıaortalyǵynyń qurylysy júrgizilip jatyr, - dep habarlaıdy Dalanews.kz.
Almatyda "Qazaqstan "RTRK" AQ jańa medıa ortalyǵynyń qurylysy jalǵasyp jatyr. Ákimdik málimetinshe, búgingi tańda negizgi qurylys-montajdaý jumystarynyń 60%-y oryndalǵan.
"Qurylys 93,3%-ǵa Almaty qalasynyń búdjeti esebinen (22,2 mlrd teńge) qarjylandyrylady. Qurylysty aıaqtaý 2025 jylǵy jeltoqsanǵa josparlanǵan", - dep jazylǵan habarlamada.
Almaty qurylys basqarmasynyń aqparatyna sáıkes, bolashaq medıa ortalyq zamanaýı telestýdıalarmen, dybystyq pavılondarmen, montajdaý zaldarymen jáne iskerlik is-sharalarǵa arnalǵan keńistiktermen jasaqtalady.
"Tehnıkalyq jaraqtandyrý halyqaralyq deńgeıde televızıalyq jáne kınematografıalyq kontent jasaýǵa, sondaı-aq, sıfrlyq formattardy damytýǵa múmkindik beredi. Bul álemdik standarttarǵa sáıkes keletin zamanaýı, tehnologıalyq medıaortalyq bolady", - dep jazylǵan habarlamada.
