الماتىدا "قازاقستان" جاڭا مەدياورتالىعىنىڭ قۇرىلىسى جۇرگىزىلىپ جاتىر، - دەپ حابارلايدى Dalanews.kz.
الماتىدا "قازاقستان "رترك" اق جاڭا مەديا ورتالىعىنىڭ قۇرىلىسى جالعاسىپ جاتىر. اكىمدىك مالىمەتىنشە، بۇگىنگى تاڭدا نەگىزگى قۇرىلىس-مونتاجداۋ جۇمىستارىنىڭ 60%-ى ورىندالعان.
"قۇرىلىس 93،3%-عا الماتى قالاسىنىڭ بيۋدجەتى ەسەبىنەن (22،2 ملرد تەڭگە) قارجىلاندىرىلادى. قۇرىلىستى اياقتاۋ 2025 جىلعى جەلتوقسانعا جوسپارلانعان"، - دەپ جازىلعان حابارلامادا.
الماتى قۇرىلىس باسقارماسىنىڭ اقپاراتىنا سايكەس، بولاشاق مەديا ورتالىق زاماناۋي تەلەستۋديالارمەن، دىبىستىق پاۆيلوندارمەن، مونتاجداۋ زالدارىمەن جانە ىسكەرلىك ءىس-شارالارعا ارنالعان كەڭىستىكتەرمەن جاساقتالادى.
"تەحنيكالىق جاراقتاندىرۋ حالىقارالىق دەڭگەيدە تەليەۆيزيالىق جانە كينەماتوگرافيالىق كونتەنت جاساۋعا، سونداي-اق، سيفرلىق فورماتتاردى دامىتۋعا مۇمكىندىك بەرەدى. بۇل الەمدىك ستاندارتتارعا سايكەس كەلەتىن زاماناۋي، تەحنولوگيالىق مەدياورتالىق بولادى"، - دەپ جازىلعان حابارلامادا.
