Qanatbek Jaisanbaev Qazaqstan Halyq Keńesi Tóraǵasynyń orynbasary bolyp taǵaiyndaldy. Bul týraly Aqordanyń baspasóz qyzmeti habarlady, dep jazady dalanews.kz.
Memleket basshysynyń jarlyǵymen Qanatbek Baqytuly Jaisanbaev Qazaqstan Halyq Keńesi Tóraǵasynyń orynbasary – Qazaqstan Halyq Keńesi Hatshylyǵynyń basshysy qyzmetine taǵaiyndaldy. Osyǵan bailanysty ol buǵan deiin atqarǵan laýazymynan bosatyldy.
Qanatbek Jaisanbaev eńbek jolyn 2000 jyly Qazaq memlekettik zań akademiiasynyń Qyzylordadaǵy filialynda oqytýshy bolyp bastaǵan.
2001 jyldyń tamyz aiynan bastap Qazaqstan Respýblikasy Joǵarǵy soty janyndaǵy Sottyq ákimshilendirý komitetiniń Qyzylorda oblysy boiynsha sot ákimshiliginde bas maman qyzmetin atqardy.
Sol jyldyń jeltoqsanynda Qyzylorda oblysy ákimi apparatynyń memlekettik-quqyq jumysy bóliminde bas maman boldy. Keiin, 2003 jyldyń qyrkúieginen bastap atalǵan bólimniń meńgerýshisi qyzmetine taǵaiyndaldy.
2005-2007 jyldary Qazaqstan Respýblikasy Tótenshe jaǵdailar ministrliginde quqyqtyq qamtamasyz etý basqarmasynyń bastyǵy bolyp jumys istedi.
2007-2008 jyldary «Kazakh Integrated Services» JShS jáne «CNRG Capital» JShS-nyń Astana qalasyndaǵy ókildiginde zańger qyzmetin atqardy.
2008-2016 jyldar aralyǵynda Qyzylorda oblysy ákimi apparaty basshysynyń orynbasary jáne apparat basshysy laýazymdarynda eńbek etti.
2016 jyldyń qazan aiynan bastap Qazaqstan Respýblikasy Prezidenti Ákimshiliginde memlekettik inspektor, keiin Memlekettik baqylaý jáne aýmaqtyq-uiymdastyrý jumysy bólimi meńgerýshisiniń orynbasary boldy.
2021 jyldyń sáýirinen 2022 jyldyń 9 jeltoqsanyna deiin Prezident Ákimshiliginde Memlekettik baqylaý jáne aýmaqtyq-uiymdastyrý jumysy bóliminiń meńgerýshisi qyzmetin atqardy.
2022 jylǵy 9 jeltoqsanda Memleket basshysynyń jarlyǵymen Qazaqstan Respýblikasy Prezidentiniń kómekshisi – Prezident Ákimshiliginiń Ótinishterdi qaraýdy baqylaý bóliminiń meńgerýshisi bolyp taǵaiyndaldy.
Al 2023 jylǵy 1 qyrkúiekte Memleket basshysynyń ókimimen Prezident Ákimshiliginiń Ótinishterdi qaraýdy baqylaý bóliminiń meńgerýshisi laýazymyna bekitildi.
Qanatbek Jaisanbaev «Qurmet» jáne «Parasat» ordenderimen, sondai-aq birqatar estelik medalmen marapattalǵan.
