Qanat Islam kolýmbiialyq boksshyny uryp jyqty
Jekpe-jek Kolýmbiianyń Barankilia qalasynda ótti. Kezdesýdiń alǵashy minýttarynan-aq Qanat shabýylǵa kiristi, biraq onyń qarsylasy da birneshe soqqy jasai bildi. Ekinshi raýndta qazaqstandyq belden tómen soqqy jasap qoiyp, bir upaidan aiyryldy. Al úshinshi raýndta Qanat Islam qarsylasyn eki ret tizerletti - eki jaǵdaida da Orlando De Hesýs Estrada nokdaýnǵa tústi.
Tórtinshi raýndtyń basynda qazaqstandyq boksshy kolýmbiialyqty sol qolmen uryp, taǵy da qulatty. Tóreshi sanai bastaǵan kezde ol qarsylasynyń basymdyǵyn moiyndap, jeńilgendigin bildirdi.
Osylaisha, Qanat Islam 19-shy jeńisine qol jetkizip otyr (onyń ishinde 16 jeńisi ýaqytynan buryn aiaqtaldy, jeńilis joq). Osyǵan deiin boksshynyń 2015 jyly bes kezdesý ótkizýdi josparlaǵany habarlanǵan edi. Ol WBA tujyrymynda besinshi orynǵa kóterilgisi keledi.
Aita keteiik, keshtiń basqa jekpe-jeginde 24 jastaǵy Janqosh Turarov Kolýmbiia boksshysy Dýnis Linandy ýaqytynan buryn jeńdi. Kezdesý jetinshi raýndta toqtatyldy.
https://www.youtube.com/watch?v=S1TMfidv9Po&t=117
