Qanattyń jeńisimen birge, Qazaq tili de jeńiske jetti! Qanat Islamnyń jekpe-jegi tek qazaq tili men aǵylshyn tilinde keremet ótti! 13 myń adam jinalǵan «Almaty-Arena» saraiynda bir de bir adam «Men qazaqsha túsinbedim, maǵan Resei tilinde túsindirip berińder»-dep shaǵym jasaǵan joq! 13 myń adam, ishinde ákimi de, aqyny da bar, saiasatkeri de, qairatkeri de bar, kásipkeri de, ánshisi de, malshysy da bar, barlyǵy bir aýyzdan » QANAT – QAZAQ»-dep aiqaiǵa basyp, urandaǵanda, záýlim sarai shaiqalyp turdy!
Bilik pen Bilim ministriniń «Úsh tildilik bolmasa, kúnimiz qarań bolady, ómir súre almaimyz» degen jasandy «qaǵidasynyń» byt-shyty shyqty! Elge eki til ǵana – Memlekettik til men aǵylshyn tili ǵana kerek eken! Eshkim Resei tilin izdegen joq! Eshkim «meniń tildik aqparat alý quqym shekteldi»-dep, prokýratýraǵa shaǵymdanǵan joq!
Bul tek qazaq tili men aǵylshyn tilinde ótken úlken sharanyń birinshisi ǵana emes… 2011 jyly 30 qańtarda Qysqy Aziadanyń ashylýyn Astanada sol kezdegi elorda ákimi, ulttyq rýhy joǵary qairatker Imanǵali
Bul joly osy iri sport dodasynyń basy-qasynda júrgen, jekpe-jektiń basynan aiaǵyna deiin elmen birge bolyp, Qanatty zor jeńisimen quttyqtap, qazaqsha ǵana jaqsy sóz sóilegen Almaty qalasy ákimi Baýyrjan Baibekke el razy boldy. «Jas kelse iske» degen osy shyǵar. Saiypqyran sportshylar men osy zor alaman saiysqa demeýshi bolǵan, ult janashyry Baýyrjan Ospanovqa da el razylyǵy sheksiz boldy. Iaǵni, qos Baýyrjan jarady! Attaryna laiyq is kórsetti!
Qanat Islamnyń ózi de tek qazaq tilinde, qosymsha aǵylshyn tilinde sóiledi. Iá, osy qazaqsha-aǵylshynsha eki tilden artyq ne keregi bar? Ministr Saǵadiev «Dúnie júzi tarihy» pánin mektepterde orys tilinde oqytý úshin, zorlap tyqpalap, eldiń Konstitýtsiialyq quqyn taptamasyn! Resei tilinsiz kúnin kóre almaityndai, kerek bolyp bara jatsa, óz otbasy men ainalasyna oqyta bersin… Bizge, Qazaq eline – Qazaq tili, Táýelsiz memleketke – Memlekettik til kerek!
Buny basa aityp jatqan sebebimiz, daryndy jas akter Baqyt Tushaidyń «ORYS TILINSIZ álemge QANAT JAIDYQ!»
( http://www.qazaquni.kz/2016/10/30/59986.html ) atty maqalasyn «Qazaq úni» saitynda jarty táýlikte 10 myńǵa jýyq adam oqyp, Feisbýk áleýmettik jelisinde myńdaǵan adam qoldap, júzdegen adam pikir jazdy, 300-ge jýyq adam kóshirip jariialady. Osydan-aq, eldiń eki tildi ǵana qalap otyrǵanyn anyq kórýge bolady. Resei tilin izdegen bir adam, bir pikir shyqqan joq… Maqalada aitylǵandai, «Bizge orys tili qajetsiz bola bastaǵanyn halyq ózi kórsetip berdi!..» Tek 100 paiyz qazaqsha ótýi tiis ulttyq arnamyz «Qazaqstannyń» qosamjarlanyp, Resei tilinde qabattasa qaitalaýy men «Qazsport»arnasynyń qazaqsha bilmeitin qazaq tilshileriniń qazaq boksshylarǵa oryssha suraq qoiǵandaryn jurt qatty synap jatyr…
Táýelsizdiktiń 25 jyldyq merekeli jyly Táýelsizdik besigi – Almatydaǵy Qanattyń jeńisi Qazaqtyń rýhyn kóterip ketti! Endi «eldiń ulttyq rýhyn kóterip ketedi» dep aitysqa shekteý qoiǵan siiaqty, Aqordada otyryp, Kremlge qarap syiynatyn sheneýnikter bokstyń da qazaq tilinde ótýine shekteý qoiyp júrmese deńiz…
Qanattyń jeńisi – Qazaqtyń jeńisi – Qazaq tiliniń jeńisi baiandy bolǵai!
Qazybek ISA
qazaquni.kz
