Qamaýǵa alynǵandarǵa VIP-kamera uiymdastyrǵan UQK qyzmetkeri sottaldy
Almatydaǵy aýdandyq sotta UQKD besinshi basqarmasynyń burynǵy bólim bastyǵy Janen Aitqulovqa úkim shyqty, - dep habarlaidy Dalanews.kz Orda.kz-ke siltep.
Janen Aitqulov 2019-2022 jyldary tergeý izoliatorynda alty kommertsiialyq kamera quryp, qamaýǵa alynǵandardan qymbat syilyqtar alyp otyrǵan degen kúdikke ilingen bolatyn. Alaida tergeýde de, sotta da Aitqulov VIP-kameralarda qansha paida tapqany anyqtalmaǵan.
Taraptardyń jaryssózi barysynda qorǵaýshy sottan Aitqulovty onyń kinási dáleldenbegeni úshin tolyq aqtaýdy, al aiyptaý úkimi shyǵarylǵan jaǵdaida ony bas bostandyǵynan aiyrmaýdy surady. Advokattar Samat Ábishtiń isi boiynsha boiynsha shyǵarylǵan úkimmen de salystyrǵan.
Aitqulovtyń qorǵaýshylary tóraǵalyq etýshi sýdia Darhanovadan gýmanizm qaǵidattaryn basshylyqqa ala otyryp, sottalýshyǵa shartty jaza taǵaiyndaýdy surady. Advokattar Janenniń de kishkentai balalary baryn eskerýdi, oǵan Samat Ábishke taǵaiyndalǵandai jaza berýdi suraǵan.
Alaida sot sheshimimen Aitqulov Qylmystyq kodekstiń 362-baby 4-bóligi boiynsha aiypty dep tanylyp, 6 jylǵa bas bostandyǵynan aiyryldy.
Aita keteiik, Sot úkimimen Samat Ábish QR QK 362-babynyń 4-bóliginde kózdelgen qylmysty jasaǵany úshin kináli dep tanyldy jáne 10 jyl merzimge belgili bir laýazymdardy atqarý quqyǵynan aiyryla otyryp, 8 jylǵa bas bostandyǵynan aiyrylǵan bolatyn. QR QK 63-baby negizinde taǵaiyndalǵan jazany shartty dep sanaý týraly qaýly etildi.
