قاماۋعا الىنعاندارعا VIP-كامەرا ۇيىمداستىرعان ۇقك قىزمەتكەرى سوتتالدى

كوركەم الدابەرگەنوۆا 04 ءساۋ. 2024 11:57 1989

قاماۋعا الىنعاندارعا VIP-كامەرا ۇيىمداستىرعان ۇقك قىزمەتكەرى سوتتالدى

الماتىداعى اۋداندىق سوتتا ۇقكد بەسىنشى باسقارماسىنىڭ بۇرىنعى ءبولىم باستىعى جانەن ايتقۇلوۆقا ۇكىم شىقتى، - دەپ حابارلايدى Dalanews.kz Orda.kz-كە سىلتەپ.

جانەن ايتقۇلوۆ 2019-2022 جىلدارى تەرگەۋ يزولياتورىندا التى كوممەرسيالىق كامەرا قۇرىپ، قاماۋعا الىنعانداردان قىمبات سىيلىقتار الىپ وتىرعان دەگەن كۇدىككە ىلىنگەن بولاتىن. الايدا تەرگەۋدە دە، سوتتا دا ايتقۇلوۆ VIP-كامەرالاردا قانشا پايدا تاپقانى انىقتالماعان.

تاراپتاردىڭ ءجارىسسوزى بارىسىندا قورعاۋشى سوتتان ايتقۇلوۆتى ونىڭ كىناسى دالەلدەنبەگەنى ءۇشىن تولىق اقتاۋدى، ال ايىپتاۋ ۇكىمى شىعارىلعان جاعدايدا ونى باس بوستاندىعىنان ايىرماۋدى سۇرادى. ادۆوكاتتار سامات ءابىشتىڭ ءىسى بويىنشا بويىنشا شىعارىلعان ۇكىممەن دە سالىستىرعان.

ايتقۇلوۆتىڭ قورعاۋشىلارى ءتوراعالىق ەتۋشى سۋديا دارحانوۆادان گۋمانيزم قاعيداتتارىن باسشىلىققا الا وتىرىپ، سوتتالۋشىعا شارتتى جازا تاعايىنداۋدى سۇرادى. ادۆوكاتتار جانەننىڭ دە كىشكەنتاي بالالارى بارىن ەسكەرۋدى، وعان سامات ابىشكە تاعايىندالعانداي جازا بەرۋدى سۇراعان.

الايدا سوت شەشىمىمەن ايتقۇلوۆ قىلمىستىق كودەكستىڭ 362-بابى 4-بولىگى بويىنشا ايىپتى دەپ تانىلىپ، 6 جىلعا باس بوستاندىعىنان ايىرىلدى.

ايتا كەتەيىك، سوت ۇكىمىمەن سامات ءابىش ق ر قك 362-بابىنىڭ 4-بولىگىندە كوزدەلگەن قىلمىستى جاساعانى ءۇشىن كىنالى دەپ تانىلدى جانە 10 جىل مەرزىمگە بەلگىلى ءبىر لاۋازىمداردى اتقارۋ قۇقىعىنان ايىرىلا وتىرىپ، 8 جىلعا باس بوستاندىعىنان ايىرىلعان بولاتىن. ق ر قك 63-بابى نەگىزىندە تاعايىندالعان جازانى شارتتى دەپ ساناۋ تۋرالى قاۋلى ەتىلدى.


ۇسىنىلعان
سوڭعى جاڭالىقتار
تەلە2 - باستىق1
22 ءساۋ. 2024 18:05
x