– Qazir bizdiń ýniversitetten túlep ushqan 120 myńnan astam túlekterimiz Qazaqstannyń gúldenýi jolynda aianbai eńbek etýde. Elimizde eńbek qoǵamyn qalyptastyrýda ýniversitet túlekteri qashanda aldyńǵy orynda keledi. Taý-ken salasy mamandary, metallýrgter, geolog, munaishylar, mashina jasaýshylar, energetikter óndiris alańdarynda Otanymyzdyń kelisti keleshegi úshin bar kúsh-jigerin jumsaýda. Qazaqstan úshin mańyzdy taý-ken, munai ónerkásibi salasyndaǵy qaldyqtaryn kádege jaratý men óńdeý taqyrybynda seminardyń ótýi kezdeisoq jaǵdai emes, – dedi rektor.
Seminar barysynda QazUTÝ-dyń Aqparattyq-strategiialyq áriptestik jáne damytý departamenti direktory Gúlnár Sársenbaeva atalmysh taqyrypqa qatysty aǵylshyn tilinde baiandama jasasa, Ulybritaniiadaǵy Výlverhempton ýniversitetiniń professory Jamal Hatib jinalǵan qaýymdy seminar baǵdarlamasymen tanystyrdy. Basqosý eki el arasyndaǵy ǵylymi áriptestikti damytýdy kózdeidi.
Bes kúnge sozylǵan seminar barysynda óndiris qaldyqtaryn qaita óńdeý, qorshaǵan ortaǵa tehnogendik áserlerdi azaitý máseleleri keńinen talqylanyp, olardy qurylysta (infraqurylymda) qoldaný, ár túrli materialdar jasaý, aǵyndy sýdy óńdeý múmkindikterine erekshe nazar aýdarylǵanyna kýá boldyq.
Juldyz BAǴAShAROVA,
QazUTÝ-dyń baspasóz hatshysy.
