Qalalyq kásipkerler biznes úshin 6 paiyzben nesie alady
Qalalardaǵy shaǵyn jáne orta biznes sýbektilerin qarjylandyrýǵa arnalǵan 1,043 mlrd teńgeni birinshi bolyp «Nurbank» AQ alady. 2 tamyz kúni Damý» Qory men «Nurbank» AQ arasynda atalǵan kelisimge qol qoiyldy.
Sondai-aq «Nurbank» «Damý Optima» baǵdarlamasyna da qatysady. Bul baǵdarlama boiynsha ekinshi deńgeili bank aldynda kepilzaty jetpegen kásipkerler «Damý» Qorynyń kepildigin paidalanyp nesie ala alady.
Jaqyn ýaqytta Qor ekinshi deńgeili 5 bankpen 3,557 mlrd teńgelik osyndai kelisimge qol qoiady dep josparlanǵan.
Nesie atalǵan Baǵdarlama aiasynda Qazaqstannyń qalalarynda júzege asyrylyp jatqan nemese júzege asyrylady dep josparlanyp otyrǵan jobalarǵa beriledi.
Talaptary:
Maqsatty top: jumyssyzdar (eńbekpen qamtý mekemesine tirkeýge turǵan-turmaǵanyna qaramastan), kásipkerlik áleýeti bar ózin-ózi asyraýshylar, nesie alýǵa ótinim bergenge deiin ShOB sýbektisi retinde tirkelgen aýylsharýashylyq kooperativ pen onyń músheleri jáne mikrokásipkerlik nysandary, isin jańa bastaǵan, biznesi bar kásipkerler.
Nesieniń mólsherlemesi – jylyna 6%-dan aspaidy;
Bir kásipkerdiń qolyna – 8 000 (segiz myń) AEK kólemine deiingi qarjy tiedi. (respýblikalyq biýdjette biylǵa belgilengen kórsetkish boiynsha);
Maqsaty men merzimi: investitsiia úshin 5 jylǵa deiin; ainalym qarajatyn tolyqtyrý úshin 3 jylǵa deiin;
Basymdyq beriletin salalar - nesie/mikronesie salalyq shekteýsiz beriledi.
Dei turǵanmen, nesie/mikronesieler saýda-sattyq maqsatyndaǵy jobalardyń ainalym qarajatyn tolyqtyrýǵa berilmeidi. Tek bul salada isin jańa bastaǵan kásipkerler ǵana qarjy ala alady.
Shekteýler men tiymdar – isin jańa bastaǵan kásipkerler nesie/mikronesiege «Bastaý Biznes» jobasy aiasynda kásipkerlik negizderin oqyp, sertifikat alǵannan keiin qol jetkizedi nemese Qordyń basqa baǵdarlamalary boiynsha sońǵy eki jyl ishinde kásipkerlik negizderin oqyǵany jaily sertifikaty bolýy kerek.
