قالالارداعى شاعىن جانە ورتا بيزنەس سۋبەكتىلەرىن قارجىلاندىرۋعا ارنالعان 1،043 ملرد تەڭگەنى ءبىرىنشى بولىپ «نۇربانك» اق الادى. 2 تامىز كۇنى دامۋ» قورى مەن «نۇربانك» اق اراسىندا اتالعان كەلىسىمگە قول قويىلدى.
سونداي-اق «نۇربانك» «دامۋ وپتيما» باعدارلاماسىنا دا قاتىسادى. بۇل باعدارلاما بويىنشا ەكىنشى دەڭگەيلى بانك الدىندا كەپىلزاتى جەتپەگەن كاسىپكەرلەر «دامۋ» قورىنىڭ كەپىلدىگىن پايدالانىپ نەسيە الا الادى.
جاقىن ۋاقىتتا قور ەكىنشى دەڭگەيلى 5 بانكپەن 3،557 ملرد تەڭگەلىك وسىنداي كەلىسىمگە قول قويادى دەپ جوسپارلانعان.
نەسيە اتالعان باعدارلاما اياسىندا قازاقستاننىڭ قالالارىندا جۇزەگە اسىرىلىپ جاتقان نەمەسە جۇزەگە اسىرىلادى دەپ جوسپارلانىپ وتىرعان جوبالارعا بەرىلەدى.
تالاپتارى:
ماقساتتى توپ: جۇمىسسىزدار (ەڭبەكپەن قامتۋ مەكەمەسىنە تىركەۋگە تۇرعان-تۇرماعانىنا قاراماستان)، كاسىپكەرلىك الەۋەتى بار ءوزىن-وزى اسىراۋشىلار، نەسيە الۋعا ءوتىنىم بەرگەنگە دەيىن شوب سۋبەكتىسى رەتىندە تىركەلگەن اۋىلشارۋاشىلىق كووپەراتيۆ پەن ونىڭ مۇشەلەرى جانە ميكروكاسىپكەرلىك نىساندارى، ءىسىن جاڭا باستاعان، بيزنەسى بار كاسىپكەرلەر.
نەسيەنىڭ مولشەرلەمەسى – جىلىنا 6%-دان اسپايدى؛
ءبىر كاسىپكەردىڭ قولىنا – 8 000 (سەگىز مىڭ) اەك كولەمىنە دەيىنگى قارجى تيەدى. (رەسپۋبليكالىق بيۋدجەتتە بيىلعا بەلگىلەنگەن كورسەتكىش بويىنشا)؛
ماقساتى مەن مەرزىمى: ينۆەستيسيا ءۇشىن 5 جىلعا دەيىن؛ اينالىم قاراجاتىن تولىقتىرۋ ءۇشىن 3 جىلعا دەيىن؛
باسىمدىق بەرىلەتىن سالالار - نەسيە/ميكرونەسيە سالالىق شەكتەۋسىز بەرىلەدى.
دەي تۇرعانمەن، نەسيە/ميكرونەسيەلەر ساۋدا-ساتتىق ماقساتىنداعى جوبالاردىڭ اينالىم قاراجاتىن تولىقتىرۋعا بەرىلمەيدى. تەك بۇل سالادا ءىسىن جاڭا باستاعان كاسىپكەرلەر عانا قارجى الا الادى.
شەكتەۋلەر مەن تيىمدار – ءىسىن جاڭا باستاعان كاسىپكەرلەر نەسيە/ميكرونەسيەگە «باستاۋ بيزنەس» جوباسى اياسىندا كاسىپكەرلىك نەگىزدەرىن وقىپ، سەرتيفيكات العاننان كەيىن قول جەتكىزەدى نەمەسە قوردىڭ باسقا باعدارلامالارى بويىنشا سوڭعى ەكى جىل ىشىندە كاسىپكەرلىك نەگىزدەرىن وقىعانى جايلى سەرتيفيكاتى بولۋى كەرەك.
