Almaty qalasynda 30 naýryz ben 3 sáýir aralyǵynda josparly túrde elektr energıasy óshiriledi. Bul týraly Alataý Jaryq Kompanıasy jarıalaǵan kestede kórsetilgen, dep habarlaıdy Dalanews.kz.
Energetıkterdiń málimetinshe, jaryqtyń ýaqytsha sóndirilýi elektr jelilerindegi jóndeý jáne tehnıkalyq qyzmet kórsetý jumystarymen baılanysty. Mundaı jumystar aqaýlardy joıýǵa, jelilerdi jańartýǵa jáne elektrmen jabdyqtaýdyń senimdiligin arttyrýǵa baǵyttalǵan.
Josparǵa sáıkes, jaryq óshirý ártúrli aýdandarda kún saıyn júrgiziledi. Negizinen elektr energıasy tańǵy 08:00–09:00 aralyǵynda óshirilip, keshki 17:00 shamasynda qaıta qosylady.
31 naýryzda jaryq Masanchı, Amangeldi, Gogol, Áshekeev, Bereke, Oqjetpes kóshelerinde, sondaı-aq Tóle bı – Amangeldi – Qazybek bı – Qashǵarskaıa jáne Qabanbaı batyr – Jarokov – Qarasaı batyr – Aımanov kósheleriniń kontýrynda óshiriledi. Sonymen qatar Qarasý, Bolashaq shaǵynaýdandary, Shoseınaıa, Qaraqalpaq, Shemákın, Drogobych, Aıtykov, Fýchık, Zelınskıı, Toqtaǵul, Jarylǵasov, Rýdakı jáne basqa da kósheler qamtylady.
1 sáýirde jaryq Jetisý-4, Samal-1, Aıgerim-2 shaǵynaýdandarynda, sondaı-aq Maqataev, Ýálıhanov, Jibek joly, Pýshkın, Álimjanov, Tólqyny, Baıqońyr, Aqbastaý, Besaǵash kóshelerinde óshiriledi.
2 sáýirde Zarechnaıa, Jambyl, Qosmodemánskaıa kósheleri, sondaı-aq Bógenbaı batyr – Shaǵabýtdınov – Tóle bı – Muratbaev jáne Botanıkalyq baq – Tımırázev – Baızaqov – Ál-Farabı kósheleri aýmaǵynda jaryq bolmaıdy. Sonymen qatar Nurmaǵambetov, Qarǵaly, Astana shaǵynaýdany da qamtylady.
3 sáýirde Kereı-Jánibek handar, Gornaıa, Dostyq dańǵyly, Qajymuqan kósheleri, Aqjar shaǵynaýdany, sondaı-aq Jambyl – Chaıkovskıı – Qabanbaı batyr – Naýryzbaı batyr jáne Shevchenko – Rozybakıev – Jambyl – Qarasý kósheleriniń kontýrynda jaryq ýaqytsha sóndiriledi.
Turǵyndarǵa naqty mekenjaılar boıynsha aqparatty aldyn ala tekserip, qajetti sharalardy qabyldaý usynylady.
