Qazaq, orys jáne aǵylshyn tilinde shyqqan kitaptyń tanystyrylymy Túrkistanda ótip jatqan Qajymuqan týrniriniń aldynda ótkizildi. Kitaptyń tanystyrylymyna «Túrkistan oblysy boiynsha jaýyngerlik óner qaýymdastyǵynyń» qurmetti prezidenti, QR Ulttyq qaýipsizdik komitetiniń Túrkistan oblysy boiynsha departamentiniń bastyǵy, general-maior Ábilseiit Dúisebaev pen Túrkistan oblysy ákiminiń orynbasary Sáken Qalqamanov jáne sport janashyrlary men kitap avtorlary qatysty.
Qundy kitapta Qajymuqan babanyń sporttaǵy jeńisti jolymen qatar ómirbaiany, qaitalanbas bolmysy naqty derektermen órnektelgen. Osydan bir jyl buryn Ordabasy aýdanynyń sol kezdegi ákimi Nurbol Turashbekov kúsh atasy Qajymuqan Muńaitpasulynyń esimin tek el aýmaǵynda emes, shet memleketterge de nasihattaý keregin aityp, qazaq balýanynyń ómirbaiany úsh tilde baiandalatyn kitap shyǵarýdy qolǵa alǵan edi. Aýdan ákimi aýysqanymen ideia Ordabasy aýdanynyń qazirgi ákimi Baǵlan Batyrshaevtyń qoldaýymen tolyq júzege asty. Kitaptyń avtorlary – tanymal jýrnalist Baqtiiar Taijan men Ordabasy aýdandyq mádeniet jáne tilderdi damytý bóliminiń basshysy Qurmanáli Jylqybai.
Derekti filmde Qajymuqannyń balalyq shaǵy, sporttaǵy jetistigi men óz ultyna degen súiispenshilgi baiandalady. Sonymen qatar bul týyndyda balýannyń týǵan jeri týraly da tyń jańalyq usynylady. Filmniń prodiýseri – Sábit Ábdihalyqov, keńesshisi – Álimjan Qurtaev, stsenarii avtory – Safýan Rysbai, qoiýshy rejisser – Samat Djalilov. Qajymuqannyń rólin Roman Ábildaev pen Baqtiiar Túimebaev somdaǵan. Derekti film uzaqtyǵy – 49 min 35 sekýnd.
Filmniń tanystyrylymynda «Nur Otan» partiiasy Túrkistan oblystyq filialy tóraǵasynyń birinshi orynbasary B.Tájibaev, Túrkistan oblystyq mádeniet basqarmasynyń basshysy Á.Qoilybaev jáne Ordabasy aýdanynyń ákimi B.Batyrshaev sóz sóilep, uly balýannyń dańqty joly jastarǵa jiger beretinine toqtaldy. Balýan týraly derekti filmdi tamashalaǵan alǵashqy kórermender jańa týyndyǵa oń baǵalaryn berdi.
