Almatyda kópshilikke “Qazaqtyń Robin Gýdy” degen atpen tanylǵan “Elge kómek” qorynyń basshysy Iliias Sárievke qatysty sot otyrysy ótýde. Tergeý derekterine súiensek, ol qajylyq pen ýmra saparyna jinalǵan aqshany qumar oiyndarǵa jumsaǵan, dep habarlaidy Dalanews.kz Politico.kz-ke silteme jasap.
barysynda MM Travel týristik kompaniiasynyń basshysy Aqtoty Dúiseeva buryn kópshilikke beimálim jaittardyń betin ashty. Onyń aitýynsha, Iliias Sáriev buǵan deiin "Kompaniiaǵa qatysym joq, tek jarnama jasadym" degenimen, shyn máninde olar 2023 jyly seriktes retinde birge kompaniia qurǵan. Qujat júzinde kompaniia Dúiseeva atyna tirkelse de, barlyq qarjy men kassa Sárievtiń baqylaýynda bolǵan.
“Qajylyqqa jinalǵan aqshany Iliias qolma-qol alyp, ornyna qoimady. Sonyń saldarynan 20 adam qasietti saparǵa bara almai qaldy”, — dedi Dúiseeva sotta.
Onyń sózinshe, Sáriev qajylardyń aqshasyn paidalanǵan soń “bir aptada qaitaramyn” dep ýáde bergen, biraq oryndamaǵan. Keiin onyń telefon qosymshasynan býkmekerlik platformalarǵa iri somalar aýdarǵany anyqtalǵan.
“Telefondaǵy bank qosymshasynda birneshe býkmekerge jiberilgen aqshalar turdy. Sol kezde kompaniia daǵdarysqa ushyrap, qajylyqqa barmaq bolǵandar narazylyq tanytyp jatqan. Biraq Iliias bárin ózim sheshemin dep sendirdi”, — deidi ol.
Tergeý derekteri boiynsha, Sariev buǵan deiin de “Elge kómek” qory arqyly halyqtan aýrý adamdar men baspanasyz jandarǵa kómek beremin dep qarjy jinaǵan. Alaida ýáde etilgen kómek kórsetilmei, adamdar qarjysynan da, seniminen de aiyrylǵan. Bul baǵytta alty adamnyń shaǵymy tirkelip, is materialdaryna engizilgen.
Sondai-aq kýágerdiń aitýynsha, Iliias Sariev 2015 jyldan beri qumar oiynǵa áýes bolyp, keiin “bul ádetten aryldym” dep sendirgen. Biraq sońǵy oqiǵalar onyń ádetten tolyq arylmaǵanyn kórsetip otyr.
MM Travel isi boiynsha 20 adam zardap shekken. Aqtoty Dúiseeva óz kinásin ishinara moiyndap, jábirlenýshilerdiń shyǵynyn jarty jyl ishinde óteýge ýáde berdi.
Qazir Iliias Sariev pen Aqtoty Dúiseevaǵa QR Qylmystyq kodeksiniń 190-baby (“Alaiaqtyq”) boiynsha aiyp taǵylǵan.
Bir kezderi elge qamqor, ádil ári meiirimdi azamat retinde tanylǵan Iliias Sarievtiń bul qylyǵy qoǵamda úlken rezonans pen ashý-yza týǵyzdy. Sot protsesi jurt nazarynda ótip jatyr.
Kelesi sot otyrysy 16 qazanǵa josparlanǵan.
