Almatylyq «Qairat» ÝEFA Chempiondar ligasynyń ekinshi irikteý kezeńindegi alǵashqy matchta Kiprdiń «Omoniia» klýbyna ese jiberdi, dep habarlaidy dalanews.kz.
Nikosiia qalasynda ótken kezdesýde alań ieleri 1:0 esebimen jeńiske jetti. Matchtaǵy jalǵyz goldy 13-minýtta Panaiotis Andreý soqty.
Kezdesýdiń basym bóliginde qazaqstandyq klýb san basymdyǵyna ie boldy. Sebebi 33-minýtta «Omoniianyń» qorǵaýshysy Loik Nego tikelei qyzyl qaǵaz alyp, alańnan qýyldy.
Qarymta kezdesý 29 shilde kúni Almatydaǵy Ortalyq stadionda ótedi. Eki match qorytyndysy boiynsha jeńiske jetken komanda Chempiondar ligasynyń úshinshi irikteý kezeńine joldama alady. Al jeńilgen klýb Eýropa ligasynyń úshinshi irikteý kezeńine aýysady.
