Pirotehnikadan keler qaýip kóp
M.Otarovtyń aitýynsha qys mezgilin apatsyz ótkizýdi qamtamasyz etý máselesi oblys ákimdigi men TJ departamentiniń erekshe baqylaýynda tur. Tótenshe jaǵdai kezinde qoldanylatyn kúsh pen quraldardyń praktikalyq daiyndyǵy «Qys-2017» respýblikalyq komandalyq oqý jattyǵý barysynda tekserildi.
Apattyq jaǵdailar qaýpi tóngende qoldanylatyn qajetti materialdyq-tehnikalyq resýrs qory quryldy. Atap aitqanda, taiǵaq jolǵa qoldaný úshin 30 myń tonnadan astam qajetti materialdar jasaqtalyp, 20 myń tonnaǵa jýyq qum, 3 myńǵa jýyq tuz jáne 8 myń tonnadan astam qum-tuz aralas qospa daiyndaldy. Budan bólek qys mezgilinde respýblikalyq jáne jergilikti mańyzdaǵy joldardy kútýge 357 birlik jol tehnikasy jumyldyrylady. Ótken jyldar tájiribesin eskere otyryp respýblikalyq jáne jergilikti mańyzdaǵy joldardyń qar ustaýy yqtimal ýchaskeler anyqtalyp, baqylaýǵa alyndy. Barlyǵy 438 km (146 respýblikalyq, 291 jergilikti) quraityn 188 ýchastke anyqtaldy (87 respýblikalyq, 101 jergilikti). Atalǵan joldar boiynda 17 jylytý pýnktteri uiymdastyrylyp, aýmaqtaǵy jol boiynda ornalasqan 23 kafemen kelisim-shart jasaldy.
Qys mezgilinde respýblikalyq jáne jergilikti mańyzdaǵy joldardy kútýge qajetti 850 tonna janar jaǵar-mai qory jasaqtaldy (100 tonna benzin, 650 tonna dizeldi otyn, 740 tonna motor maiy).
Oblys boiynsha sý aidyndarynda avtoótkelge arnalǵan 16 oryn belgilenip, 54 dana eskertý belgileri ornatyldy. TJ departamentiniń, jergilikti politsiia qyzmeti men balyq inspektsiiasy qyzmetkerlerimen 19 reid uiymdastyrylyp, sý aidynynda balyq aýlaýshylarǵa 300 danadan astam muzdaǵy qaýipsizdik boiynsha jadynamalar taratyldy.
– Sý aidyndarynda muzdaǵy qaýipsizdikti saqtaý boiynsha júrgizilgen úgit-nasihat jumystaryna qaramastan jeltoqsan aiynda 4 adam sýda qaza boldy. Atap aitsaq, 8 jeltoqsan kúni Zelenov aýdany Kóshim arnasyna 1949, 1953 jyly týǵan eki azamat balyq aýlaý kezinde sýǵa ketse, 19 jeltoqsan kúni Shyńǵyrlaý aýdany Jańakósh sý qoimasynda 1953, 1955 jyly týǵan eki azamat avtokólikpen sýǵa ketti, – dedi M.Otarov.
Brifingte tótenshe jaǵdailardy joiý bóliminiń basshysy B.Ihsanov qysqa daiyndyq sharalary týraly baiandady.
– BQO TJ departamenti boiynsha 14 apattyq-qutqarý qondyrǵysy, 1844 adamǵa arnalǵan 234 azamattyq qutqarý jasaǵy jáne 457 tehnika qysqa saqadai sai. Budan bólek Tótenshe jaǵdailar departamentiniń vedomstvolyq baǵynystaǵy bólimsheleri bar. Olarda materialdyq bazamen tolyqtai jasaqtalǵan, – dedi B.Ihsanov.
Budan keiin órt qaýipsizdigi salasyndaǵy baqylaý jáne profilaktikalyq qyzmet basqarmasy bastyǵynyń orynbasary A. Eshmuqanov pirotehnikadan keletin órt saldary týraly áńgimeledi.
– Órt oqiǵasy merekelik ýaqytta órshidi. Ásirese, pirotehnikalyq quraldardy qoldaný, úidegi turmystyq tehnikanyń qosylyp qalýy tótenshe jaǵdailarǵa ákep soqtyrady. Tek ótken jyly 31 jeltoqsan men 5 qańtar aralyǵynda 16 órt oqiǵasy tirkeldi. Onyń 13-i turǵyn úiden shyqqan órt oqiǵasy bolsa, 3 órt avtokólikten shyqty. Kóp adamdar pirotehnika quraldaryn qaýipsiz sezinedi. Shyn máninde pirotehnikadan keletin qaýip kóp. Ótken jyly pirothenika quraldarynan oblysymyzda 1 adamdy kúiik shalyp, 1 adam qaza tapty. Jańa jyl merekesindegi qaýipsizdikti kúsheitý maqsatynda TJD 2017 jyldyń 13 jeltoqsan-12 qańtar aralyǵynda «Qaýipsiz jańa jyl» aktsiiasyn ótkizýde. Aktsiia barysynda tótenshe jaǵdailar departamenti mamandary turǵyn úiler men jataqhanalardy aralap, pirotehnikadan keletin órt qaýpi týraly túsinik jumystaryn uiymdastyratyn bolady, – dedi A.Eshmuqanov.
