م.وتاروۆتىڭ ايتۋىنشا قىس مەزگىلىن اپاتسىز وتكىزۋدى قامتاماسىز ەتۋ ماسەلەسى وبلىس اكىمدىگى مەن تج دەپارتامەنتىنىڭ ەرەكشە باقىلاۋىندا تۇر. توتەنشە جاعداي كەزىندە قولدانىلاتىن كۇش پەن قۇرالداردىڭ پراكتيكالىق دايىندىعى «قىس-2017» رەسپۋبليكالىق كوماندالىق وقۋ جاتتىعۋ بارىسىندا تەكسەرىلدى.
اپاتتىق جاعدايلار ءقاۋپى تونگەندە قولدانىلاتىن قاجەتتى ماتەريالدىق-تەحنيكالىق رەسۋرس قورى قۇرىلدى. اتاپ ايتقاندا، تايعاق جولعا قولدانۋ ءۇشىن 30 مىڭ توننادان استام قاجەتتى ماتەريالدار جاساقتالىپ، 20 مىڭ تونناعا جۋىق قۇم، 3 مىڭعا جۋىق تۇز جانە 8 مىڭ توننادان استام قۇم-تۇز ارالاس قوسپا دايىندالدى. بۇدان بولەك قىس مەزگىلىندە رەسپۋبليكالىق جانە جەرگىلىكتى ماڭىزداعى جولداردى كۇتۋگە 357 بىرلىك جول تەحنيكاسى جۇمىلدىرىلادى. وتكەن جىلدار تاجىريبەسىن ەسكەرە وتىرىپ رەسپۋبليكالىق جانە جەرگىلىكتى ماڭىزداعى جولداردىڭ قار ۇستاۋى ىقتيمال ۋچاسكەلەر انىقتالىپ، باقىلاۋعا الىندى. بارلىعى 438 كم (146 رەسپۋبليكالىق، 291 جەرگىلىكتى) قۇرايتىن 188 ۋچاستكە انىقتالدى (87 رەسپۋبليكالىق، 101 جەرگىلىكتى). اتالعان جولدار بويىندا 17 جىلىتۋ پۋنكتتەرى ۇيىمداستىرىلىپ، اۋماقتاعى جول بويىندا ورنالاسقان 23 كافەمەن كەلىسىم-شارت جاسالدى.
قىس مەزگىلىندە رەسپۋبليكالىق جانە جەرگىلىكتى ماڭىزداعى جولداردى كۇتۋگە قاجەتتى 850 توننا جانار جاعار-ماي قورى جاساقتالدى (100 توننا بەنزين، 650 توننا ديزەلدى وتىن، 740 توننا موتور مايى).
وبلىس بويىنشا سۋ ايدىندارىندا اۆتووتكەلگە ارنالعان 16 ورىن بەلگىلەنىپ، 54 دانا ەسكەرتۋ بەلگىلەرى ورناتىلدى. تج دەپارتامەنتىنىڭ، جەرگىلىكتى پوليسيا قىزمەتى مەن بالىق ينسپەكسياسى قىزمەتكەرلەرىمەن 19 رەيد ۇيىمداستىرىلىپ، سۋ ايدىنىندا بالىق اۋلاۋشىلارعا 300 دانادان استام مۇزداعى قاۋىپسىزدىك بويىنشا جادىنامالار تاراتىلدى.
– سۋ ايدىندارىندا مۇزداعى قاۋىپسىزدىكتى ساقتاۋ بويىنشا جۇرگىزىلگەن ۇگىت-ناسيحات جۇمىستارىنا قاراماستان جەلتوقسان ايىندا 4 ادام سۋدا قازا بولدى. اتاپ ايتساق، 8 جەلتوقسان كۇنى زەلەنوۆ اۋدانى كوشىم ارناسىنا 1949، 1953 جىلى تۋعان ەكى ازامات بالىق اۋلاۋ كەزىندە سۋعا كەتسە، 19 جەلتوقسان كۇنى شىڭعىرلاۋ اۋدانى جاڭاكوش سۋ قويماسىندا 1953، 1955 جىلى تۋعان ەكى ازامات اۆتوكولىكپەن سۋعا كەتتى، – دەدى م.وتاروۆ.
بريفينگتە توتەنشە جاعدايلاردى جويۋ ءبولىمىنىڭ باسشىسى ب.يحسانوۆ قىسقا دايىندىق شارالارى تۋرالى باياندادى.
– بقو تج دەپارتامەنتى بويىنشا 14 اپاتتىق-قۇتقارۋ قوندىرعىسى، 1844 ادامعا ارنالعان 234 ازاماتتىق قۇتقارۋ جاساعى جانە 457 تەحنيكا قىسقا ساقاداي ساي. بۇدان بولەك توتەنشە جاعدايلار دەپارتامەنتىنىڭ ۆەدومستۆولىق باعىنىستاعى بولىمشەلەرى بار. ولاردا ماتەريالدىق بازامەن تولىقتاي جاساقتالعان، – دەدى ب.يحسانوۆ.
بۇدان كەيىن ءورت قاۋىپسىزدىگى سالاسىنداعى باقىلاۋ جانە پروفيلاكتيكالىق قىزمەت باسقارماسى باستىعىنىڭ ورىنباسارى ا. ەشمۇقانوۆ پيروتەحنيكادان كەلەتىن ءورت سالدارى تۋرالى اڭگىمەلەدى.
– ءورت وقيعاسى مەرەكەلىك ۋاقىتتا ءورشيدى. اسىرەسە، پيروتەحنيكالىق قۇرالداردى قولدانۋ، ۇيدەگى تۇرمىستىق تەحنيكانىڭ قوسىلىپ قالۋى توتەنشە جاعدايلارعا اكەپ سوقتىرادى. تەك وتكەن جىلى 31 جەلتوقسان مەن 5 قاڭتار ارالىعىندا 16 ءورت وقيعاسى تىركەلدى. ونىڭ 13ء-ى تۇرعىن ۇيدەن شىققان ءورت وقيعاسى بولسا، 3 ءورت اۆتوكولىكتەن شىقتى. كوپ ادامدار پيروتەحنيكا قۇرالدارىن ءقاۋىپسىز سەزىنەدى. شىن مانىندە پيروتەحنيكادان كەلەتىن ءقاۋىپ كوپ. وتكەن جىلى پيروتحەنيكا قۇرالدارىنان وبلىسىمىزدا 1 ادامدى كۇيىك شالىپ، 1 ادام قازا تاپتى. جاڭا جىل مەرەكەسىندەگى قاۋىپسىزدىكتى كۇشەيتۋ ماقساتىندا تجد 2017 جىلدىڭ 13 جەلتوقسان-12 قاڭتار ارالىعىندا «ءقاۋىپسىز جاڭا جىل» اكسياسىن وتكىزۋدە. اكسيا بارىسىندا توتەنشە جاعدايلار دەپارتامەنتى ماماندارى تۇرعىن ۇيلەر مەن جاتاقحانالاردى ارالاپ، پيروتەحنيكادان كەلەتىن ءورت ءقاۋپى تۋرالى تۇسىنىك جۇمىستارىن ۇيىمداستىراتىن بولادى، – دەدى ا.ەشمۇقانوۆ.
