Piar jasaýǵa ýaqyt tabatyn Másimov qazaqsha úirenýge qashan kóńil bóledi?
Áńgimeniń arqaýy serial emes, negizinde. Basqa dúnie. Sheneýnikter. Sheneýnikter týraly aitqymyz kelip otyr. Baiqaisyz ba, sońǵy kezderi jyltyńdap kóriný kóbeiip ketti.
«Ońtústiktiń ákimi jumysqa velosipedpen barypty». «Ońtústiktiń ákimi avtobýsqa otyrypty». «Ońtústiktiń ákimi jurttyń bárin kóliginen túsirip, shaitanarbaǵa otyrǵyzbaq eken».
«Másimov jol erejesin buzǵany úshin aiyppul tólepti». «Másimov tańǵy jattyǵý jasapty». «Másimov eki túrli shulyq kiip alypty».
«Astana áýejaiyndaǵy Isekeshevti jurt tanymai qalypty». «Nege tanymai qalypty? Óitkeni ádepki kostiým-shalbaryn sheship, elge uqsap qarapaiym kiinip alypty».
Taǵy ne…
Kóp. Qaisibirin aitamyz.
Ái, biraq ishiń jylymaidy. Birtúrli. Jasandy.
Iá, bul taza piar. Ilgeride biz tizip shyqqan sheneýnikterdiń piar-jumysshylary qazir de kezekti jarnamalyq júristiń stsenariiin jazyp jatqan bolar.
Aitar aqylymyz bar, olarǵa.
Piardyń ózin qazaqsha jasasa bolmai ma? Bolady, árine. Qazaqy piar.
Eldegi qazaqtildi aýditoriianyń yqylasyna bólenýdiń bir joly – qazaqsha sóileý, qazaqsha úirený.
Aitalyq, Másimovtyń aiyppul tólegeni jańalyq pa osy? Kimge qalai bilmeimiz, biraq ol da adam. Ol da osy eldiń azamaty. Zań bárimizge ortaq. Onyń ishinde Másimovke de.
Al eger osy Másimov erteń eshbir aktsenttsiz qazaqsha sóilese, qazaqsha baiandama jasasa – tańǵalar edik. Ishimiz jylyr edi. Budan ol da utylmas edi, Qudai biledi.
Bul ózgelerge de qatysty
Bizdiń sheneýnikter aldymen qazaqtildi aýditoriianyń júregin jaýlaýǵa umtylsa. Bul aýditoriia ósip keledi, sebebi. Búgin bolmasa erteń olarmen (bizben) sanasatyn kez týady. Kór de turyńyz!
Qazaqsha sóileý qajettilikke ainalǵan zamanǵa da kelip jetemiz áli. Áli-aq jetemiz.
Al qazir qalai? Keshe bir pikir oqyp qaldyq. Avtory bylai depti:
«Cúleimenovtiń urpaǵy qazaqsha bile me?
Másimovtiń urpaǵy qazaqsha bile me?
Toqaevtyń urpaǵy qazaqsha bile me?
Jaqsybekovtiń urpaǵy qazaqsha bile me?
Ydyrysovtyń urpaǵy qazaqsha bile me?
Bilmeidi. Soraqysy bul tizimdi jalǵastyra berýge bolady. Ózi de, urpaǵy da qazaqsha bilmeitin sheneýnikter tolyp júr bilikte».
Olardyń qazaqy talǵamnan múlde alshaq, shetelden kóshirilgen ózin-ózin jarnamalaýy kimge kerek, aityńyzshy?
Derekkózi: kaz.365info.kz
