Boris Djonson videoúndeýin Ýkraina zań shyǵarýshy organynyń basshysy Rýslan Stefanchýk óziniń Feisbýkataǵy paraqshasyna jariialady.
Ulybritaniianyń Premer-Ministri óz úndeýinde soǵys barysynda Kreml úlken qatelikterge boi aldyratynyn sezgenin aitqan.
– Ýkraina halqy jeńilýdi bilemeitin Pýtinge qatysty ańyzdyń tas-talqanyn shyǵardy. Pýtinniń áskeri mashinasy Ýkraina halqynyń patriottyq sezimimen betpe-bet kelip, taýy shaǵylǵany anyq. Sizderdiń otanshyldyq sezimderińiz Pýtinniń tumsyǵyn tasqa tiredi. Ýkrainder álem halyqyna agressordyń dóń aibat áreketinen qoryqpaý kerektigin úiretti. Óz eliniń táýelsizdigi úshin kúrese beletin halyqqa tank pen zeńbirekter tosqaýyl bolmaitynyna kýá boldyq. Sol sebepti men Ýkrainanyń bul soǵysta jeńetinine shúbásiz senemin! – dedi Boris Djonson.
Budan keiin Boris Djonson Ulybritaniia Ýkrainaǵa kómek retinde 300 mln fýnt sterling bólgenin málim etti.
– Bizder Ýkraina áskerin qoldaý maqsatynda quny 300 mln fýnt sterling bolatyn áskeri kómek beremiz. Bul pakettiń ishinde Ýkriana qalalaryn atqylap jatqan okýpanttardyń artilleriialardyń ornalasqan jerin dál anyqtaityn radarlar, jaiaý áskerdiń kúshin eselep ósiretin áskeri drondar bar. Budan basqa gýmanitarlyq kómekterimiz de bar, – dedi Boris Djonson.
Óz úndeýinde Boris Djonson jaqyn kúnderi áskeri kemelerge qarsy qoldanatyn Brimstone zymyrandaryn jetkizip beretinin atap ótti.
