AQSh prezidenti Djo Baiden Reseidiń Donetsk jáne Lýgansk halyq respýblikalarynyń (DHR jáne LHR) táýelsizdigin moiyndaýyna bailanysty sanktsiialar jariialaý týraly jarlyqqa qol qoidy, dep habarlaidy habarlaidy Dalanews.kz.
TASS-tyń habarlaýynsha, qujat amerikalyqtardyń Donetsk halyq respýblikasy men Lýgansk halyq respýblikasyn qarjylandyrýǵa jáne investitsiialaýǵa, sondai-aq olarmen saýda jasaýǵa tyiym salady.
Jarlyq mátininde AQSh tarapynan Ýkrainanyń DHR jáne LHR dep atalatyn nemese osyǵan uqsas basqa da óńirlerine jańa investitsiialarǵa tyiym salynatyndyǵy jazylǵan.
Buǵan qosa, AQSh-qa jarlyqta qamtylǵan aimaqtardan (DHR men LHR) týra nemese janama túrde kez kelgen taýardy importtaýǵa, sondai-aq DHR men LHR-ǵa AQSh-tan nemese qai jerde júrmesin, AQSh-tyń qandai da bir tulǵasynyń kez kelgen taýardy, qyzmetterdi nemese tehnologiialardy eksporttaýyna, qaita eksporttaýyna, satýyna nemese jetkizýine shekteý qoiyldy.
Jarlyq sonymen qatar AQSh ákimshiligine DHR men LHR-da jumys isteitin jeke tulǵalarǵa jáne onda jumys isteitin uiymdardyń basshylyq ókilderine sanktsiia salý quqyǵyn beredi.
Sanktsiialar tizimine ený AQSh-taǵy aktivterdiń qatyrylatynyn jáne amerikalyq azamattarǵa nemese kompaniialarǵa onyń ielerimen biznes júrgizýge tyiym salynatynyn bildiredi.
22 aqpanda Resei prezidenti Vladimir Pýtin Donetsk jáne Lýgansk halyq respýblikalarynyń táýelsizdigin moiyndaý týraly sheshim qabyldady. Bul týraly ol reseilikterge sóilegen sózinde aitty. Ol tikelei efirde tiisti jarlyqqa qol qoidy.
Sondai-aq Vladimir Pýtin Qorǵanys ministrligine Resei qarýly kúshteriniń DHR men LHR-da beibitshilikti saqtaýdy qamtamasyz etýin tapsyrdy.
Ýkraina prezidenti Vladimir Zelenskii bes minýttyq málimdeme jasap, bul oqiǵalarǵa baǵa berdi.
