اقش پرەزيدەنتى دجو بايدەن رەسەيدىڭ دونەسك جانە لۋگانسك حالىق رەسپۋبليكالارىنىڭ (دحر جانە لحر) تاۋەلسىزدىگىن مويىنداۋىنا بايلانىستى سانكسيالار جاريالاۋ تۋرالى جارلىققا قول قويدى، دەپ حابارلايدى حابارلايدى Dalanews.kz.
تاسس-تىڭ حابارلاۋىنشا، قۇجات امەريكالىقتاردىڭ دونەسك حالىق رەسپۋبليكاسى مەن لۋگانسك حالىق رەسپۋبليكاسىن قارجىلاندىرۋعا جانە ينۆەستيسيالاۋعا، سونداي-اق ولارمەن ساۋدا جاساۋعا تىيىم سالادى.
جارلىق ماتىنىندە اقش تاراپىنان ۋكراينانىڭ دحر جانە لحر دەپ اتالاتىن نەمەسە وسىعان ۇقساس باسقا دا وڭىرلەرىنە جاڭا ينۆەستيسيالارعا تىيىم سالىناتىندىعى جازىلعان.
بۇعان قوسا، اقش-قا جارلىقتا قامتىلعان ايماقتاردان (دحر مەن لحر) تۋرا نەمەسە جاناما تۇردە كەز كەلگەن تاۋاردى يمپورتتاۋعا، سونداي-اق دحر مەن لحر-عا اقش-تان نەمەسە قاي جەردە جۇرمەسىن، اقش-تىڭ قانداي دا ءبىر تۇلعاسىنىڭ كەز كەلگەن تاۋاردى، قىزمەتتەردى نەمەسە تەحنولوگيالاردى ەكسپورتتاۋىنا، قايتا ەكسپورتتاۋىنا، ساتۋىنا نەمەسە جەتكىزۋىنە شەكتەۋ قويىلدى.
جارلىق سونىمەن قاتار اقش اكىمشىلىگىنە دحر مەن لحر-دا جۇمىس ىستەيتىن جەكە تۇلعالارعا جانە وندا جۇمىس ىستەيتىن ۇيىمداردىڭ باسشىلىق وكىلدەرىنە سانكسيا سالۋ قۇقىعىن بەرەدى.
سانكسيالار تىزىمىنە ەنۋ اقش-تاعى اكتيۆتەردىڭ قاتىرىلاتىنىن جانە امەريكالىق ازاماتتارعا نەمەسە كومپانيالارعا ونىڭ يەلەرىمەن بيزنەس جۇرگىزۋگە تىيىم سالىناتىنىن بىلدىرەدى.
22 اقپاندا رەسەي پرەزيدەنتى ۆلاديمير پۋتين دونەسك جانە لۋگانسك حالىق رەسپۋبليكالارىنىڭ تاۋەلسىزدىگىن مويىنداۋ تۋرالى شەشىم قابىلدادى. بۇل تۋرالى ول رەسەيلىكتەرگە سويلەگەن سوزىندە ايتتى. ول تىكەلەي ەفيردە ءتيىستى جارلىققا قول قويدى.
سونداي-اق ۆلاديمير پۋتين قورعانىس مينيسترلىگىنە رەسەي قارۋلى كۇشتەرىنىڭ دحر مەن لحر-دا بەيبىتشىلىكتى ساقتاۋدى قامتاماسىز ەتۋىن تاپسىردى.
ۋكراينا پرەزيدەنتى ۆلاديمير زەلەنسكيي بەس مينۋتتىق مالىمدەمە جاساپ، بۇل وقيعالارعا باعا بەردى.
