– Jaqyn arada olardyń shabýyly saiabyrsyp qalady. Olar qandai da bir úzilis jasaýǵa májbúr bolady jáne bul ýkraindardyń qarsy soqqy jasaýyna múmkindik beredi, – deidi Mýr amerikalyq Aspen qaýipsizdik forýmynda.
MI-6 basshysy Reseidiń Ýkraina prezidentin alyp tastaý, Kievti basyp alý jáne Batysta alaýyzdyq týdyrý siiaqty bastapqy maqsattaryna jete almaýyn epikalyq sátsizdik dep atady.
Ol Reseidiń shabýylyn Ekinshi dúniejúzilik soǵystan keiingi Eýropadaǵy eń sumdyq ári ashyq agressiia dep atady.
Shilde aiynyń basynda Lisichansk qalasyn basyp alǵannan keiin Resei armiiasy operatsiialyq úzilis jariialady, biraq birneshe kún buryn Resei qorǵanys ministri Sergei Shoigý áskerlerge operatsiiany kúsheitýdi buiyrǵan edi. Sońǵy úsh aptanyń ishinde reseilik áskeriler, onyń ishinde negizgi kúshteri shoǵyrlanǵan Donetsk jáne Lýgansk oblystarynda eshqandai tabysty áreket ete alǵan joq.
Ýkraina men onyń odaqtastary Resei armiiasynyń álsireýin Batys elderi, birinshi kezekte AQSh-tan jetkiziletin alys qashyqtyqqa atylatyn artilleriiany paidalanýymen bailanystyrady. Atap aitqanda, HIMARS birneshe zymyran tasyǵysh júiesi Ýkraina Qarýly Kúshterine reseilik oq-dári qoimalary men bazalaryna soqqy berýge jáne osylaisha Máskeýdiń atys kúshi boiynsha basym artyqshylyǵyna nuqsan keltirýge múmkindik berdi.
Aspendegi forým barysynda Mýr sonymen qatar TsRÝ basshysy Ýiliam Berns aitqan 15 myń adam qaza tapqan reseilik áskerilerdiń shyǵyny týraly málimetterdi rastady.
Degenmen, Mýr mundai derekterdi "konservativti baǵalaýlar" dep atady.
"Bul 1980 jyldardaǵy Aýǵanstandaǵy 10 jyldaǵy (soǵystan) joǵaltqan adamdarymen birdei. Jáne olar Sankt-Peterbordaǵy nemese Máskeýdegi orta taptyń azamattary emes. Olar kóbinese Sibirdiń jumysshy qalalarynyń kedei jigitteri. Sondai-aq olardyń arasynda ulttyq azshylyq ókilderi de kóptep kezdesedi. Bular maidan dalasyna tastalǵan oq jemi", - dep qosty Mýr.
Bernstiń esebi boiynsha, Resei armiiasy Ýkrainadaǵy soǵysta taǵy 45 myńdai jaraly azamatynan aiyrylǵan.
Ýkraina Resei armiiasynyń qaza tapqan áskerileriniń sanyn 38,5 myńnan astam adam dep baǵalaidy. Resei óz shyǵyndarynyń sanyn sońǵy ret 25 naýryzda jariialady: soǵysta shamamen 1,3 myń adam qaza tapqany aityldy, alaida sarapshylar bul kórsetkish anyq tómen baǵalanǵan dep sanaidy.
