«Keńes áskeriniń jaýyngerleri Máskeý qalasyn jaýdan qorǵaýda erekshe erlik kórsetti. Nemis fashıserine qarsy jaýyngerler qasyq qany qalǵansha soǵysyp, Máskeýdi jaý qolynan aman alyp qaldy. Bul erlik eshqashan umytylmaıdy. Búgingi urpaqtyń maqsaty – sol batyr atalarymyzdyń erligin ulyqtap, keler urpaqqa nasıhattaý», - dedi Alekseı Demın.
Oblys ákimi elshiniń jaqsy jańalyǵyna rızashylyq bildirip, Uly Otan soǵysynyń adamzat tarıhyndaǵy zardap-zalaldaryna toqtaldy.
«Biz babalarymyzdyń erlik isterin eshqashan umytpaýǵa tıistimiz. Uly Otan soǵysyndaǵy Keńes áskeriniń jeńisi álemge beıbitshilik syılady. Sondyqtan biz búgingi kózi tiri batyrlarymyzdy ulyqtap, olarǵa barynsha qamqorlyq kórsetýimiz qajet», - dedi Janseıit Qanseıituly.
Qazirgi tańda marapatqa usynylǵan ońtústikqazaqstandyq ardegerdiń beseýiniń kózi tiri. Eki ardager K. Tuńǵyshbaev pen N. Makarov Shymkent qalasynda, P. Krıvka, K. Kenjebekov pen M. Babashovtar Arys qalasynda turyp jatyr. Al altynshy ardager M. Yrysmetovtiń tósbelgisi balasyna tabystalatyn bolady.
Aıta keteıik, búginde oblysymyzda 249 UOS ardageri men 20 229 til eńbekkeri ómir súrip jatyr.
OQO ákiminiń baspasóz qyzmeti
