«كەڭەس اسكەرىنىڭ جاۋىنگەرلەرى ماسكەۋ قالاسىن جاۋدان قورعاۋدا ەرەكشە ەرلىك كورسەتتى. نەمىس فاشيستەرىنە قارسى جاۋىنگەرلەر قاسىق قانى قالعانشا سوعىسىپ، ماسكەۋدى جاۋ قولىنان امان الىپ قالدى. بۇل ەرلىك ەشقاشان ۇمىتىلمايدى. بۇگىنگى ۇرپاقتىڭ ماقساتى – سول باتىر اتالارىمىزدىڭ ەرلىگىن ۇلىقتاپ، كەلەر ۇرپاققا ناسيحاتتاۋ»، - دەدى الەكسەي دەمين.
وبلىس اكىمى ەلشىنىڭ جاقسى جاڭالىعىنا ريزاشىلىق ءبىلدىرىپ، ۇلى وتان سوعىسىنىڭ ادامزات تاريحىنداعى زارداپ-زالالدارىنا توقتالدى.
«ءبىز بابالارىمىزدىڭ ەرلىك ىستەرىن ەشقاشان ۇمىتپاۋعا ءتيىستىمىز. ۇلى وتان سوعىسىنداعى كەڭەس اسكەرىنىڭ جەڭىسى الەمگە بەيبىتشىلىك سىيلادى. سوندىقتان ءبىز بۇگىنگى كوزى ءتىرى باتىرلارىمىزدى ۇلىقتاپ، ولارعا بارىنشا قامقورلىق كورسەتۋىمىز قاجەت»، - دەدى جانسەيىت قانسەيىت ۇلى.
قازىرگى تاڭدا ماراپاتقا ۇسىنىلعان وڭتۇستىكقازاقستاندىق اردەگەردىڭ بەسەۋىنىڭ كوزى ءتىرى. ەكى ارداگەر ك. تۇڭعىشبايەۆ پەن ن. ماكاروۆ شىمكەنت قالاسىندا، پ. كريۆكا، ك. كەنجەبەكوۆ پەن م. باباشوۆتار ارىس قالاسىندا تۇرىپ جاتىر. ال التىنشى ارداگەر م. ىرىسمەتوۆتىڭ توسبەلگىسى بالاسىنا تابىستالاتىن بولادى.
ايتا كەتەيىك، بۇگىندە وبلىسىمىزدا 249 ۇوس ارداگەرى مەن 20 229 ءتىل ەڭبەككەرى ءومىر ءسۇرىپ جاتىر.
وقو اكىمىنىڭ باسپا ءسوز قىزمەتى
