7 sáýir kúni Saratov Arbitrajynyń Nikolai Sývorovtyń "Reseidi tonaǵany úshin" Pýtindi otstavkaǵa ketirý jónindegi ótinishin qabyl alyp, tipten aldyn ala sot otyrysynyń merzimin de taǵaiyndaǵany belgili bolǵan edi.
Alaida Saratov oblystyq arbitraj soty Balakovo qalasynyń turǵyny Nikolai Sývorovtyń prezident Vladimir Pýtindi qyzmetinen ketirý jónindegi shaǵymyn óndiriske alýdan bas tartqan. Bul jóninde sottyń anyqtamasynda jazylǵan.
Sot anyqtamasynda memleket basshysynda qul suǵylmaýshylyq imýniteti bar ekenin, ony qyzmetinen ketirý sottyń quzyryna kirmeitini jazylǵan. El Konstitýtsiiasynyń 4-taraýynda prezidentke tiisti ókilettik berilgen, onyń qyzmetine sot, Arbitrajdy sot aralasa almaidy delingen.
Aldyn beisenbi kúni Saratov oblystyq arbitraj soty Sývorovtyń Pýtinge qatysty aryzyn qabyldap, aldyn ala otyrysty 28 sáýirge belgilegen edi. Balakovo turǵyny Pýtindi "halyq jaýy retinde, oligarhtardyń dosy retinde Reseidi tonaǵany úshin, sheneýnikterdi, bankir, milliarder-tonaýshylardy baiytqany úshin" bilikten ketirýdi talap etip aryz jazǵan.
