Resei prezidenti Vladimir Pýtin eldiń qorǵanys ministrliginde aýys-túiis júrgizdi, - dep habarlaidy Dalanews.kz.
Ol Qorǵanys ministrliginde taǵaiyndaýlar týraly jarlyqtarǵa qol qoiyp, birden tórt ministr orynbasaryn (onyń ishinde birinshi Ministrdiń orynbasary men Memlekettik hatshyny) jumystan shyǵaryp, úsh jańa orynbasar taǵaiyndady.
Ministrdiń orynbasary qyzmetine Anna Tsiviliova kelgen. Ol jaqynda Energetika ministri bolǵan Kemerovo oblysynyń burynǵy gýbernatory Sergei Tsivilevtiń áieli. Jýrnalistik zertteýlerdegi málimet boiynsha, Tsiviliova - Pýtinniń týysy.
Erli-zaiypty Tsiviliovter "Kolmar" iri kómir óndirýshi kompaniiasynyń teń ieleri bolǵan. 2023 jyly ol Ýkrainadaǵy soǵysqa qatysýshylardyń otbasylaryn áleýmettik qoldaýmen ainalysatyn "Zashitniki Otechestva" qorynyń basshysy bolyp taǵaiyndaldy.
