Resei Federatsiiasynyń prezidenti Vladimir Pýtin Donald Tramptyń prezident sailaýynda jeńiske jetýine qatysty pikir bildirdi, - dep habarlaidy Dalanews.kz.
Pýtin Tramp erjúrek ekenin, oǵan jasalǵan shabýyl kezinde ózin ustaýy naǵyz batyldyq ekenin atap ótken. Vladimir Pýtinniń sózinshe, sailaý kezinde Trampqa jan-jaqtan qysym jasalǵan.
"Ol ońǵa ne solǵa burylýǵa, artyq sóz aitýǵa qorqatyn jaǵdaiǵa jetti. Ózin erekshe jaǵdailarǵa kórsete bildi. Osy sátti paidalanyp, Trampty jeńiske jetýimen quttytaǵym keledi", - deidi Pýtin "Valdai" plenarlyq otyrysynda.
Pýtin Trampqa telefon shalyp quttyqtaýyn uiat sanamaitynyn, biraq ázirge habarlasý josparynda joǵyn aitty.
Eske salaiyq, buǵan deiin sarapshylar Donald Tramptyń bilikke kelýi Qazaqstan ekonomikasyna qalai áser etetinin aitqan bolatyn.
Munai salasynyń sarapshysy Oljas Baidildinovtyń boljamynsha, AQSh "qara altyndy" kóbirek óndire bastaidy. Qazirgi ýaqyttaǵy óndiris kólemi táýligine 10-11 mln barreldi quraidy. Shikizat importynyń kólemi de osyndai.
"Baǵada qosý-alý turǵysynda azdap ózgeris bolýy múmkin. Árine, baǵa birden quldyrai jóneledi dep aita almaimyz. Aldaǵy alty aida ol jaǵy belgili bolyp qalady, óitkeni óndiris kólemin arttyrý bir mezette oryn alatyn nárse emes qoi", - deidi Baidildinov LS-ke bergen suqbatynda.
Onyń aitýynsha, Tramptyń aitýynsyz-aq Saýd Arabiiasy munai óndirisin táýligine 2 mln barrelge arttyrýǵa nietti.
"Arab elderi bul kólemdi keiinnen 3-ten 5 mln barrelge arttyrýlary múmkin ekenin de aitqan. OPEK+ kelisimderine júginetin bolsaq, bul ábden múmkin. Biraq olar sońyna deiin saýdalasyp, qandai da bir jańa talaptardy alǵa tartatyn bolady", - deidi sarapshy.
Osy jaǵynan alǵanda, aldaǵy bir jyl boiynda shikizat tabysyna ekonomikasy bailaýly Qazaqstanǵa úlken qaýip joq dep aitýǵa bolady.
Sondai-aq qaitadan AQSh biligine kelgen Donald Tramp mynandai eki naqty usynysty alǵa tartqnany:
- AQSh-taǵy barlyq importqa 10%, tipti 20% kóleminde ámbebap tarif engizý;
- qoldanystaǵy tarifterge qosymsha Qytaidan jetetin barlyq importqa 60% , tipti 100% qosymsha tarif engizý.
Mundaida amerikalyqtardyń tutynýshylyq qabiletiniń jyl saiynǵy kólemi 46-dan 87 milliard dollarǵa deiin tómendeýi múmkin. AQSh-tyń Ulttyq bólshek saýda federatsiiasy (NRF) jariialaǵan zertteýde osyndai qorytyndy jasalady. Zertteýde engiziletin mundai tarifter AQSh-ta satylatyn tutyný taýarlarynyń keń aýqymynyń qunyna aitarlyqtai áser etetini atap kórsetilgen.
Zertteý bul tarifterdiń AQSh-taǵy barlyq derlik úide kezdesetin tutyný ónimderiniń alty sanatyna baǵyttalǵanyn naqtylaidy: kiim-keshek, oiynshyqtar, jihaz, turmystyq tehnika, aiaq-kiim jáne saiahattaýǵa arnalǵan taýarlar.
Nátijesinde, barlyq qarastyrylǵan sanattaǵy taýarlardyń jalpy ortasha tarifi 50% - dan asa qymbattaidy.
