"Til patrýli" belsendisi, belgili bloger Dias Quzaiyrov áleýmettik jelide tikelei efirde aitqan sózi úshin jazalandy, - dep habarlaidy Dalanews.kz.
Bul jait quzyrly organdar áleýmettik jelilerge tekseris júrgizý barysynda anyqtalǵan. Quzaiyrov usaq buzaqylyq jasaǵany úshin jaýapqa tartylǵan, sondyqtan QR ÁQBtK 434-babynyń 2-bóligi boiynsha ákimshilik hattama toltyrylǵan. Sotta belsendi kinásin moiyndamady.
"25 naýryzda kóligimde otyrǵan kezde tikelei efirge shyqtym. Strim kezinde "Pýtin quilo" dedim. Biraq "quilo" sózi bylapyt sóz emes, qazaq tilinen aýdarǵanda "qui, quiý" degendi bildiredi. Qazaq tilindegi bul sóz balaǵat sóz bolyp sanalmaidy", - dedi belsendi.
Sondai-aq, ol buǵan deiin áleýmettik jelidegi paraqshasynda sot protsesi týraly da aitty.
"Menen qandai sóz aittyń?" dep surady. Qazaq tilinde "quiý, quilo" degen zańdy buzatyn sóz emes, ádebi sóz. Men "sot memlekettik tilde bolsyn" dedim. Sot qazaq tilinde bolyp jatyr. ...Sot durys sheshim qabyldaidy dep oilaimyn", - dedi ol.
Artynsha belsendi 15 táýlikke qamalatynyn aitty.
"Kináli dep sheshim shyǵardy. 15 táýlikke jabady. "Kinálisiz, biz jaman sóz estidik" dedi. Men "qui" degen qazaqtyń sózi bar" dedim. Osyndai sheshimder qabyldaidy bizdiń sottar", - dedi belsendi.
