Tolyǵyraq nusqasy mynaý:
«V Gosdýme RF otkryto obsýjdaiýt territorialnye pretenzii k Kazahstaný. Depýtat Gosýdarstvennoi dýmy ot LDPR (tóraǵasy V.Jirinovskii) Pavel Shperov na zasedanii parlamentskogo «krýglogo stola» po problemam rossiiskih sootechestvennikov otkryto poobeshal vernýt v sostav Rossiiskoi Federatsii «iskonno rossiiskie zemli Kazahstana», – dep jazǵan atalǵan agenttik.
Qamshy portalynda kórshimizdiń osy áreketine narazylyq tanytyp, pikirin ortaǵa salǵan Muhambetkárim Qojyrbaiulynyń maqalasy jaryq kóripti. Avtor qun talap etken eken.
«Osy ýaqytqa deiin patshalyq Resei men Keńes úkimetiniń saiasatynan qurban bolǵan ata-babamnyń qunyn talap etýge quqylymyn» deidi avtor.
Orystar osyndai…
«Resei shovinisteri qazaq dalasyna kóz alartqanyn eshqashan toqtatqan emes. Orys patshalyǵy Qazaq jerin jaýlap alǵaly beri qazaq halqynyń óz ata mekenderin qorǵaý jolynda basqynshylarǵa qarsy ult azattyq soǵysy 300 jyl boiy bir sátke de tolastaǵan joq. Osy jolda san milliondaǵan ata-babalarymyzdyń qany tógildi. Táýelsiz el bolǵanymyzǵa da mine shirek ǵasyr tolypty.
Alaida olar áli de sol shovinistik piǵyldarynan bas tartpai keledi. Oraldaǵy kazaktar salǵan lańdy, Óskemendegi Pýgachevtardyń is-áreketin, Keńes odaǵynyń birinshi jáne sońǵy prezidenti, sońǵy bas hatshy M.Gorbachevtiń Qazaqstannyń bes oblysy Reseidiki dep kóz alartqanyn, osyny maldanǵan Búkilodaqtyq kazaktar uiymy deitinderdiń Oralda, Kókshetaýda, Ermakta (Aqsý), Pavlodarda, Óskemende, Almatyda taǵy basqa da qalalarymyzda neshe túrli arandatý jiyndaryn ótkizgenin eske alsaq, Reseidiń shynynda da uiyqtai almai júrgenderine senbeske ylajymyz joq».
«Pýtin nege úndemeisiń?»
«Joǵarydaǵy kórsetilgenderden jáne Resei Memlekettik Dýmasynyń Qazaqstannan jer daýlaý máselesin ashyq talqylaýynan búgingi Pýtindik Resei biliginiń piǵylyn aiqyn ańǵaramyz. Jalpy álemdik tájiribe de, agressiianyń basy osyndai aqparattyq soǵystarmen bastalady. Áitpese, Resei Prezidenti úshin Shperovtyń aýzyn jaýyp, qarańǵy qamaqqa toǵytý túkke de turmaidy».
«Qazaqqa tiispe, qarǵysyna qalasyń!
«Qazaqtyń atamekenin jaýlap, ózderiniń Ata jurtyna (Qazyq jurtqa, Qazǵurtqa, iaǵni búkil jer betin topan sý qaptaǵan kezdegi Nuq paiǵambar kemesiniń toqtaǵan jerine) qiianat jasaǵan Patshalyq Resei men Keńes úkimetiniń (KSRO) jaǵdaiy barshamyzǵa belgili. Patshalyq Resei milliondaǵan jazyqsyz jandardyń basyn «jalmaýyzdai jalmap» baryp, óz qanyna ózi tunshyqty.
Al Keńes (Lenin) úkimetiniń bar ǵumyry jetpis jylǵa da jetpei «aiaǵy aspannan» kelip, jelkesi qiyldy. Osy qyrǵyndardy uiymdastyrǵandardyń barlyǵy derlik, Adam siiaqty (artyna urpaq pen jaqsy attaryn qaldyrý) ómirdiń qyzyǵyn kóre almai, azapty ómir keshti, azappen óldi.
Qazaq jerin jaýlaimyn dep 200 jyl boiy qazaqqa tynyshtyq bermei jantalasqandardyń taǵy biri Jońǵar bolatyn. Sol Jońǵardan bul kúnde «Jońǵar jotalary» degen atpen jalǵyz jota men osy attas jalǵyz kitap qaldy. Ózgeniń jerine, ásirese Ata jurtqa kóz alartqandardyń shyǵatyn «shyńy» osy. Mundai jaǵdai, iaǵni Ata jurtqa qiianat jasaý burynda da san ret bolǵan. Báriniń de arty osylai aiaqtaldy. Áli de solai aiaqtalady. Buǵan eshkimniń kúmáni bolmasyn».
«Ata-babamnyń alynbaǵan quny bar!»
Avtor ózi atap aitqan dúnielerdiń negizinde kórshimizge 6 talap qoiypty. Sonyń 4-i ózekti eken.
BIRINShIDEN: Sizder Reseidi 1994 jylǵy Qazaqstan iadrolyq qarýdan bas tartsa, jerińe qol suqpaimyn dep, saltanatty túrde bergen antyn buzýǵa ashyqtan-ashyq úndep, Resei prezidenti V.Pýtindi búkil álem aldynda bergen antyn oryndamaityn ekijúzdi etip kórsetýge barynsha talpynyp júrgenderińizdi esterińizge salamyn.
EKINShIDEN: Men mynaý Soljenitsyn, Jirinovskii, Dýgin, Shirokogradov, Limonov, Shperovtar siiaqty Sizderdiń elderińizge esh jamandyq tilemeimin. Ózge eldiń ary men namysyna tiisip, jerin daýlap, jamandyq tileý, tamyry taiaz eldiń «essiz ulandarynyń» is-áreketi bolmaq.
ÚShINShIDEN: Kezinde Patshalyq, sońǵy Keńestik Máskeýdiń zorlyǵynan ondaǵan elder táýelsizdiginen aiyrylyp, sol táýelsizdik úshin kúreste san milliondaǵan adamdardyń qyrǵynǵa ushyraǵany búkil álemge áigili. Arty jaqsylyqpen bitpeitin mundai daýdy qozdyra berý, keleshek te osy elderdiń bári búgingi Reseiden Ata-babalarynyń qunyn suraýǵa aparatynyn bile júrgenderińiz abzal.
TÓRTINShIDEN, Qazaqtyń ejelgi Atamekenindegi meniń atalarymnyń súiekteriniń ústine zorlyqpen salynǵan qalalardy meniki dep daýlaǵandaryń senderdiń sol jaýlaýshy-jaýyzdardyń urpaǵymyn (pravopreemnik) dep moiyndaǵandaryńyz.
Demek, biz Sizderden sol birneshe milliondaǵan ata-babalarymyzdyń qunyn talap etýge quqylymyz.
