"Biz urpaǵymyz úshin, azattyq úshin arpalysyp jatyrmyz, aqiqat árdaiym qymbat, sondyqtan da biz jeńip shyǵamyz. Segiz millionǵa jýyq ýkrain qaza tapqan Ekinshi dúniejúzilik soǵystaǵy babalarymyzdyń erligin umytpaimyz. Olar keiingi urpaqtyń amandyǵy úshin keýdesin oqqa tosty. Jaqyn kúnderi Ýkraina eki birdei Jeńis kúnin toilaityn bolady. Al keibireýde onyń biri de qalmaidy...", - dedi Ýkraina prezidenti.
Zelenskii Ekinshi dúniejúzilik soǵystaǵy ýkrain halqynyń erligin eshkim enshilei almasyn eske saldy, sonymen qatar eldiń eshbir aýmaǵyn basqynshylarǵa bermesin atap ótti.
"Biz jerimizdiń ár túiir tasy úshin soǵysyp jatyrmyz, ony bógde bireýdiń barymtalaýyna jol bermeimiz! Búgin kúlli ýkrain halqy Gitlerdiń júiesin jeńgen kúndi toilaýda. Ýkrain halqy osy jeńiske qomaqty úles qosty. Ótken tarihty bizden eshkim tartyp ala almaidy. Biz ózge halyqtarmen birge gitlerlik júieni jeńgen ata-babalarymyzdy ardaqtap, maqtan tutamyz.
Jeńisti saiasi saýdaǵa salýǵa bolmaidy. Orta ǵasyrlardyń ólshemimen oilaityn keibireýlerdiń jeńisti jekemenshik merekege ainaldyrýyna, ielenip ketýine jol bermeimiz"
- dep basa aitty Zelenskii.
Aita ketelik, Máskeýdegi parad kezinde sóz sóilegen Vladimir Pýtin: "Resei 24 aqpanda Ýkrainaǵa basyp kirip, “aldyn ala soqqy berdi”, bul “jalǵyz durys sheshim” boldy" dep málimdegen (bul týraly tómengi siltemede tolyǵyraq jazylǵan, red.).
Resei Ýkrainaǵa shabýyldy “arnaiy operatsiia” dep ataidy.
