Pýtin Áliev pen Pashiniandy kezdestiredi
Aqparatqa qaraǵanda, úsh tarapty kezdesý Pýtinniń usynysymen Qara teńiz jaǵasyndaǵy Sochide ótedi. Kreml málimetinshe, kelissóz byltyr qarashadaǵy oq atýdy toqtatý boiynsha kelisimniń bir jyldyǵyna baǵyttalǵan.
Armeniia men Ázerbaijan byltyr kúzde 44 kún boiy Taýly Qarabaq aimaǵynda soǵysqan. Erevan soǵysta Armeniianyń jáne Taýly Qarabaqtyń 3 700-den astam turǵyny qaza tapqanyn habarlaǵan. Baký 2 900 azamatyn joǵaltqanyn málimdegen.
Sońǵy ýaqytta Armeniia men Ázerbaijan shekarasynda jaǵdai qaita órship tur. 22 qarashada Armeniia shekaradaǵy sarbazdyń ólimin Ázerbaijannan kórgen. Resmi Baký Erevannyń aiyptaýyn teriske shyǵaryp, "bizdiń áskeriler oq atqan emes, jaǵdai turaqty" dep pikir bildirgen.
Armeniianyń qorǵanys ministrligi habarlaǵandai, bir apta burynǵy qaqtyǵys kezinde keminde bir sarbaz qaza tapqan. 13 ásker ázeri qarýly kúshteri tarabynan tutqyndalǵan, taǵy 24-i habarsyz. Ázirge olardyń taǵdyry týraly málimet joq. Osyǵan deiin armeniialyq 15 ásker oqqa ushqany habarlanǵan. Ázerbaijan jeti áskeriniń oqqa ushqanyn aityp jatyr.
