پۋتين ەليەۆ پەن پاشينياندى كەزدەستٸرەدٸ
اقپاراتقا قاراعاندا, ٷش تاراپتى كەزدەسۋ پۋتيننٸڭ ۇسىنىسىمەن قارا تەڭٸز جاعاسىنداعى سوچيدە ٶتەدٸ. كرەمل مەلٸمەتٸنشە, كەلٸسسٶز بىلتىر قاراشاداعى وق اتۋدى توقتاتۋ بويىنشا كەلٸسٸمنٸڭ بٸر جىلدىعىنا باعىتتالعان.
ارمەنييا مەن ەزەربايجان بىلتىر كٷزدە 44 كٷن بويى تاۋلى قاراباق ايماعىندا سوعىسقان. ەرەۆان سوعىستا ارمەنييانىڭ جەنە تاۋلى قاراباقتىڭ 3 700-دەن استام تۇرعىنى قازا تاپقانىن حابارلاعان. باكۋ 2 900 ازاماتىن جوعالتقانىن مەلٸمدەگەن.
سوڭعى ۋاقىتتا ارمەنييا مەن ەزەربايجان شەكاراسىندا جاعداي قايتا ٶرشٸپ تۇر. 22 قاراشادا ارمەنييا شەكاراداعى ساربازدىڭ ٶلٸمٸن ەزەربايجاننان كٶرگەن. رەسمي باكۋ ەرەۆاننىڭ ايىپتاۋىن تەرٸسكە شىعارىپ, "بٸزدٸڭ ەسكەريلەر وق اتقان ەمەس, جاعداي تۇراقتى" دەپ پٸكٸر بٸلدٸرگەن.
ارمەنييانىڭ قورعانىس مينيسترلٸگٸ حابارلاعانداي, بٸر اپتا بۇرىنعى قاقتىعىس كەزٸندە كەمٸندە بٸر سارباز قازا تاپقان. 13 ەسكەر ەزەري قارۋلى كٷشتەرٸ تارابىنان تۇتقىندالعان, تاعى 24-ٸ حابارسىز. ەزٸرگە ولاردىڭ تاعدىرى تۋرالى مەلٸمەت جوق. وسىعان دەيٸن ارمەنييالىق 15 ەسكەر وققا ۇشقانى حابارلانعان. ەزەربايجان جەتٸ ەسكەرٸنٸڭ وققا ۇشقانىن ايتىپ جاتىر.
