Ol elde plastikalyq hirýrgiianyń jaqsy damyǵanyn estigenbiz. Tipti áke-sheshesi qyzdaryna ádemi bolsyn dep, operatsiia jasatýǵa konvert beretin dástúrleri de bar. Bizdi qyzyqtyrǵany bet-álpetińdi ózgertý ǵana emes, hirýrgiia, neirohirýrgiia jáne otbasylyq meditsina taqyryby boldy.
Bizdiń dárigerler men mamandar olardan bedeýlikti emdeý, ginekologiia jáne meditsinalyq týrizm salasynan dáris-keńes aldy. Meditsinalyq týrizm demekshi, bul sala bizde ájeptáýir damyǵan.
Sondyqtan da basqosýdyń, tájiribe almasýdyń ótkizilgen orny osy sala ábden jolǵa qoiylǵan «Almaty Resort» shipajaiy bolýy da zańdylyq. Koreiler shipajaida meditsinalyq týrizmge qatysty kórmeni de kórsetti. Kórsetip qana qoimai, aldaryna barǵan almatylyqtarǵa tegin keńes berip jatty.
«Qazaqstannyń koreiler qaýymdastyǵy» da sonda júr. Bir birimen koreishe emes, oryssha nemese aýdarmashy arqyly sóileskenderi tańsyq kórinedi eken. Bul basqa taqyryp. Basty taqyryp – Pýsan qalasynyń Ekonomikalyq damý Agenttigi men Qazaqstan meditsinalyq mekemeleri arasyndaǵy yntymaqtastyq týraly memorandým boldy.
Koreilerden meditsina jaǵynan úirenerimiz kóp. Almaty men Pýsan qalasy arasyndaǵy bailanys ary qarai da damyp, osydan bylai da meditsina qyzmetkerleri eki elde alma-kezek bas qosyp, tájiribe almasyp turýǵa ýaǵdalasty.
