«Ústeldiń ústinde shóberemniń kitaby jatyr eken, «Rýsskaıa lıteratýra» deıdi, 8-synypqa arnalǵan. Men bilmeımin, qandaı adam bekitken bul oqýlyqty. Jáne «Mektep» baspasy shyǵarǵan. İshi tolǵan bylyq. Baıaǵy dekabrıster, Ryleevtiń óleńi júr. Prızyvy k sverjenıý vlastı… Biz sony oqytýymyz kerek pe?
Máselen, myna balalardan surasam, Muqaǵalıdy bilmeıdi.
Muqaǵalı meniń úsh baqytym bar deıdi. Birinshi baqytym — ol meniń ultym, ekinshi baqytym — tilim, úshinshi baqytym — Otanym! Óleńderin oqysańyzdar, tutas ulttyń qundylyqtaryn quryp otyr», — dep atap ótti ǵalym «Nur Otan» partıasy janyndaǵy «Mıras» respýblıkalyq keńesiniń otyrysynda.
Onyń aıtýynsha, osy turǵyda Elbasynyń «Bolashaqqa baǵdar: rýhanı jańǵyrý» atty maqalasy aıasynda ult múddesine saı keletin keleli máselelerdi atqarý mańyzdy.
«Men endi oılaımyn, Elbasymyz bizge osyndaı tapsyrma berip otyr, mursat berip otyr, barlyǵymyz endi bar kúshimizdi salyp, osy rýhanı jańǵyrý maqalasyndaǵy aıtylǵan máselelerdiń barlyǵyn júzege asyrýymyz kerek. «Týǵan jer» baǵdarlamasy bárimizdiń kókeıimizde boldy. Bárińiz mektepte oqydyńyzdar, Sizge óz týǵan aýylyńyzdyń qasyndaǵy tóbeniń ózin oqytqan joq, qaıdaǵy bir Bangladeshtegi, Afrıkadaǵy ózendi, Jerdiń túbindegi adam bilmeıtin Amerıkadaǵy aýyldardy oqytty.
Biz endi «Týǵan jer» baǵdarlamasy arqyly osyny qolǵa alýymyz kerek,
óıtpesek, biz qandaı patrıot daıyndaımyz?!
Ultqa janyn salatyn adamdardy daıyndaý úshin aldymen týǵan jerin súıýi kerek, ultyn súıýi kerek, óziniń týǵan halqynyń tarıhyn bilýi kerek jáne onyń ádet-ǵurpyn, saltyn saqtaýy kerek dep oılaımyn», — dep túıdi sózin Myrzataı Joldasbekov.
Derekkóz: QazAqparat
