«ۇستەلدىڭ ۇستىندە شوبەرەمنىڭ كىتابى جاتىر ەكەن، «رۋسسكايا ليتەراتۋرا» دەيدى، 8-سىنىپقا ارنالعان. مەن بىلمەيمىن، قانداي ادام بەكىتكەن بۇل وقۋلىقتى. جانە «مەكتەپ» باسپاسى شىعارعان. ءىشى تولعان بىلىق. باياعى دەكابريستەر، رىلەيەۆتىڭ ولەڭى ءجۇر. پريزىۆى ك سۆەرجەنيۋ ۆلاستي… ءبىز سونى وقىتۋىمىز كەرەك پە؟
ماسەلەن، مىنا بالالاردان سۇراسام، مۇقاعاليدى بىلمەيدى.
مۇقاعالي مەنىڭ ءۇش باقىتىم بار دەيدى. ءبىرىنشى باقىتىم — ول مەنىڭ ۇلتىم، ەكىنشى باقىتىم — ءتىلىم، ءۇشىنشى باقىتىم — وتانىم! ولەڭدەرىن وقىساڭىزدار، تۇتاس ۇلتتىڭ قۇندىلىقتارىن قۇرىپ وتىر»، — دەپ اتاپ ءوتتى عالىم «نۇر وتان» پارتياسى جانىنداعى «ميراس» رەسپۋبليكالىق كەڭەسىنىڭ وتىرىسىندا.
ونىڭ ايتۋىنشا، وسى تۇرعىدا ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسى اياسىندا ۇلت مۇددەسىنە ساي كەلەتىن كەلەلى ماسەلەلەردى اتقارۋ ماڭىزدى.
«مەن ەندى ويلايمىن، ەلباسىمىز بىزگە وسىنداي تاپسىرما بەرىپ وتىر، مۇرسات بەرىپ وتىر، بارلىعىمىز ەندى بار كۇشىمىزدى سالىپ، وسى رۋحاني جاڭعىرۋ ماقالاسىنداعى ايتىلعان ماسەلەلەردىڭ بارلىعىن جۇزەگە اسىرۋىمىز كەرەك. «تۋعان جەر» باعدارلاماسى ءبارىمىزدىڭ كوكەيىمىزدە بولدى. ءبارىڭىز مەكتەپتە وقىدىڭىزدار، سىزگە ءوز تۋعان اۋىلىڭىزدىڭ قاسىنداعى توبەنىڭ ءوزىن وقىتقان جوق، قايداعى ءبىر بانگلادەشتەگى، افريكاداعى وزەندى، جەردىڭ تۇبىندەگى ادام بىلمەيتىن امەريكاداعى اۋىلداردى وقىتتى.
ءبىز ەندى «تۋعان جەر» باعدارلاماسى ارقىلى وسىنى قولعا الۋىمىز كەرەك،
ويتپەسەك، ءبىز قانداي پاتريوت دايىندايمىز؟!
ۇلتقا جانىن سالاتىن ادامداردى دايىنداۋ ءۇشىن الدىمەن تۋعان جەرىن ءسۇيۋى كەرەك، ۇلتىن ءسۇيۋى كەرەك، ءوزىنىڭ تۋعان حالقىنىڭ تاريحىن ءبىلۋى كەرەك جانە ونىڭ ادەت-عۇرپىن، سالتىن ساقتاۋى كەرەك دەپ ويلايمىن»، — دەپ ءتۇيدى ءسوزىن مىرزاتاي جولداسبەكوۆ.
دەرەككوز: قازاقپارات
