– Búgin tań erteń Federaldi qaýipsizdik qyzmeti lańkestik toptyń jolyn kesip, olardyń elimizge tanymal telejýrnalisti óltirýine jol bergen joq, – dedi Pýtin.
Qazirgi tańda Reseidiń memlekettik arnalary bul iske Batys elderiniń qatysy bar ekenin aityp, dabyl qaǵyp, aqparat taratýda. Óz kezeginde Pýtin bul iske AQSh-tyń Ortalyq barlaý qyzmeti men Ýkrainanyń qaýipsizdik qyzmeti tikelei qatysy bar ekenin aitty.
Reseidiń Federaldi qaýipsizdik qyzmeti lańkestik áreketti júzege asyrmaq bolǵan Resei azamatyn ustaǵandaryn, ony ásireultshyl baǵyttaǵy National Socialism/White Power dep atalatyn uiymǵa qatysy bar ekeni jaiynda aqparat taratty. Ustalǵandar oi-josparyn iske asyrǵannan keiin shetelge qashpaq bolypty.
Qaýipsizdik qyzmeti lańkesterdi ustaǵan úige tintý júrgizgende qoldan jasalǵan jarylys quraly, Molotov kokteili, alty tapansha, RGD-5 granaty, túrli kalibrli myńdaǵan patron, Ýkraina tólqujaty, ásireultshyldyqty dáripteitin ádebietter men atribýtikalar tabylǵanyn málimdedi.
