– بٷگٸن تاڭ ەرتەڭ فەدەرالدٸ قاۋٸپسٸزدٸك قىزمەتٸ لاڭكەستٸك توپتىڭ جولىن كەسٸپ, ولاردىڭ ەلٸمٸزگە تانىمال تەلەجۋرناليستٸ ٶلتٸرۋٸنە جول بەرگەن جوق, – دەدٸ پۋتين.
قازٸرگٸ تاڭدا رەسەيدٸڭ مەملەكەتتٸك ارنالارى بۇل ٸسكە باتىس ەلدەرٸنٸڭ قاتىسى بار ەكەنٸن ايتىپ, دابىل قاعىپ, اقپارات تاراتۋدا. ٶز كەزەگٸندە پۋتين بۇل ٸسكە اقش-تىڭ ورتالىق بارلاۋ قىزمەتٸ مەن ۋكراينانىڭ قاۋٸپسٸزدٸك قىزمەتٸ تٸكەلەي قاتىسى بار ەكەنٸن ايتتى.
رەسەيدٸڭ فەدەرالدٸ قاۋٸپسٸزدٸك قىزمەتٸ لاڭكەستٸك ەرەكەتتٸ جٷزەگە اسىرماق بولعان رەسەي ازاماتىن ۇستاعاندارىن, ونى ەسٸرەۇلتشىل باعىتتاعى National Socialism/White Power دەپ اتالاتىن ۇيىمعا قاتىسى بار ەكەنٸ جايىندا اقپارات تاراتتى. ۇستالعاندار وي-جوسپارىن ٸسكە اسىرعاننان كەيٸن شەتەلگە قاشپاق بولىپتى.
قاۋٸپسٸزدٸك قىزمەتٸ لاڭكەستەردٸ ۇستاعان ٷيگە تٸنتۋ جٷرگٸزگەندە قولدان جاسالعان جارىلىس قۇرالى, مولوتوۆ كوكتەيلٸ, التى تاپانشا, رگد-5 گراناتى, تٷرلٸ كاليبرلٸ مىڭداعان پاترون, ۋكراينا تٶلقۇجاتى, ەسٸرەۇلتشىلدىقتى دەرٸپتەيتٸن ەدەبيەتتەر مەن اتريبۋتيكالار تابىلعانىن مەلٸمدەدٸ.
