Astanada QR Ulttyq mýzeiiniń burynǵy direktory, eks-mádeniet jáne sport ministri Arystanbek Muhamediulyna qatysty kezekti sot protsesi ótip jatyr. Sot talqylaýy kezinde prokýror ony 12 jylǵa bas bostandyǵynan aiyrýdy surady, dep habarlaidy Dalanews.kz.
Memlekettik aiyptaýshy Oljas Hairýllaev Muhamediulyn Qylmystyq kodekstiń birneshe baby boiynsha aiypty dep tanýyn surady. Onyń ishinde qylmysty uiymdastyrý, bóten adamnyń senip tapsyrǵan múlkin asa iri kólemde iemdený nemese jymqyrý, aýyr zardaptarǵa ákep soqtyratyn laýazymdyq ókilettikterdi asyra paidalaný, qylmysqa oqtalý jáne reiderlik áreketter bar.
"Arystanbek Muhamediuly memlekettik qyzmette jáne kvazimemlekettik sektorda laýazymdardy atqarý quqyǵynan ómir boiyna shettetilip, 12 jylǵa bas bostandyǵynan aiyrylady. Jazasyn qaýipsizdigi ortasha túzeý mekemesinde óteitin bolady",- dedi Oljas Hairýllaev.
Sonymen qatar prokýror Muhamediulynyń sybailastaryna da túrli jaza taǵaiyndaýdy surady.
Eske salaiyq, 13 aqpanda Astananyń qylmystyq ister jónindegi mamandandyrylǵan aýdanaralyq soty QR Ulttyq mýzeiiniń burynǵy direktory, eks mádeniet jáne sport ministri Arystanbek Muhamediulyna qatysty úkim shyǵarǵan bolatyn. Ol asa iri kólemde para alýǵa árekettengeni úshin kináli dep tanyldy.
