Astanada ótip jatqan sot protsesinde memlekettik aiyptaýshy burynǵy diplomat Sáken Mamashty alty jylǵa bas bostandyǵynan aiyrýdy surady, dep habarlaidy Dalanews.kz.
2024 jyldyń mamyrynda Sáken Mamashtyń jubaiy Karina Mamash áleýmettik jelide video jariialap, on jyl boiy kúieýiniń tarapynan zorlyq-zombylyq kórgenin málimdegen. Osydan keiin diplomat shuǵyl túrde elge shaqyrtylyp, onyń ústinen qylmystyq is qozǵaldy. Sotqa deiingi tergeýdi Astana qalasy Esil aýdandyq politsiia basqarmasy júrgizdi. Tergeý QR Qylmystyq kodeksiniń 110-baby – «Qinaý» boiynsha júrgizilgen. Al 2025 jyldyń sáýirinde Mamash qamaýǵa alynǵan.
Kýrsiv málimetinshe, aiyptaýshy taraptyń ókili, prokýror Jáńgir Sádýaqasovtyń aitýynsha, is úsh tomnan turady. Onyń sózinshe, 110-bap boiynsha 3 jyldan 7 jylǵa deiin bas bostandyǵynan aiyrý jazasy qarastyrylǵan.
"Mamash atalǵan bappen aiyptalyp otyr. Sottalýshynyń kinási dáleldendi dep aitýǵa áli erte, qorǵaýshy tarap óz ýájin bildiretin bolady", – dedi prokýror sot otyrysynyń basynda.
Sottalýshynyń qoǵamdyq qorǵaýshysy ári týǵan ápkesi Nurjamal Tashkenbaiqyzy redaktsiiaǵa óz málimdemesin joldap, onda jábirlenýshi Karina Mamashtyń kúieýine qarjylyq turǵyda táýeldi bolmaǵanyn atap ótken.
