Derekkózder Qaraǵandy oblysynyń ákimi Ermaǵanbet Bólekbaev pen Ulytaý oblysynyń ákimi Berik Ábdiǵaliulynyń taǵdyry qyzý talqylanyp jatqanyn jetkizdi, - dep habarlaidy Dalanews.kz «Chemodan gossekretov» telegram arnasyna siltep.
Derekkózder Qaraǵandy oblysyn basqarýdy Jeńis Qasymbekten keiin qolǵa alǵan Ermaǵanbet Bólekbaev bir jylda aitarlyqtai nátije kórsete almaǵanin jazady. ArcelorMittal (qazirgi Qarmet) shahtasynda bolǵan jaǵdailarda da ol búkil jaýapkershilikten bas tartqan.
«Artynsha Bólekbaev qala basshysy bolǵan kezinde Qaraǵandyda zańsyz salynǵan qurylystarǵa qatysty problemalar paida boldy. Oblysta Saran, Molodejnyi jáne Shahtinsk qalalarynda jylýǵa qatysty problemalar da boldy. Onyń sebebi tek aqaýlar ǵana emes, sonymen qatar qymbatqa satyp alynǵan sapasyz kómir boldy, bul sybailas jemqorlyq áreketi boldy degendi bildirýi múmkin», - delingen telegramda.
Odan bólek, oblysta sý tasqyny problemasy da bar.
«Tek aýyl men oblystaǵy joldardy ǵana emes, aýdan ortalyǵyn da sý basyp jatyr. Bólekbaevtyń komandasy jyl saiyn qaitalanatyn problema – tynysh aýdandardaǵy sý tasqyny problemasymen kúrese almai otyr», - delingen «Chemodan gossekretov» telegram arnasyndaǵy jazbada.
Derekkóz Ulytaý oblysynyń basshysy bolyp Berik Ábdiǵaliuly kelgeli oblysta jemqorlyqqa qatysty daý kóbeigenin aitady.
«Basynda Sátbaev ákimi ustaldy, keiinnen oblystyq mádeniet basqarmasynyń basshysy da ustaldy. Qazirgi zańnama boiynsha ol (Berik Ábdiǵaliuly) otstavkaǵa ketýi kerek. Ulytaý oblysynda da júieli túrde biýdjettiń igerilmeýimen bailanysty problemalar bolyp turady: aimaq jeke investorlardy bylai qoiǵanda biýdjet qarajytynyń ózimen damymai otyr».
Derekkóz málimetinshe, eki ákimge de jaǵdaidy túzeýge múmkindik berilgenimen olar ony paidalanbaǵan. Sondyqtan aldaǵy ýaqytta kadrlyq aýys-túiis bolýy múmkin.
Aita keteiik, kúni keshe telegram arnalarda aldaǵy kúnderi Astana qalasy, Qaraǵandy jáne Ulytaý oblystarynda birqatar taǵaiyndaý bolýy múmkin ekeni habarlanǵan bolatyn.
Álihan Smaiylov Astana qalasynyń ákimi qyzmetine taǵaiyndalýy múmkin. Osylaisha Smaiylov Qasymbektiń ornyna kelmek. Derekkóz málimetinshe, Ulytaý oblysynyń ákimi bolyp – Qaraǵandy oblysynyń qazirgi basshysy Ermaǵanbet Bólekpaev taǵaiyndalýy múmkin. Al Qaraǵandy oblysyna qaitadan Jeńis Qasymbek kelýi yqtimal.Osylaisha Astana qalasynyń ákimi bolyp eks-premer Álihan Smaiylov taǵaiyndalýy múmkin.
Telegramdaǵy málimet boiynsha, Smaiylovtyń osy qyzmetke kelýi sheshilip qoiǵan. Jeńis Qasymbek Memleket basshysynyń qabyldaýynda bolǵan.
