Memleket basshysy Úkimettiń keńeitilgen otyrysynda bergen tapsyrmalarǵa Májilis depýtattary – «AMANAT» partiiasy fraktsiiasynyń músheleri zańnamalyq qoldaý kórsetedi. Halyq qalaýlylarynyń aldynda turǵan jańa mindetter búgin fraktsiia jinalysynda talqylandy, – dep habarlaidy Dalanews.kz «AMANAT» partiiasynyń baspasóz qyzmetine silteme jasap.
Sóz basynda Májilis Spikeri, «AMANAT» Tóraǵasy Erlan Qoshanov Prezident jedel sheshýdi qajet etetin eldegi eń mańyzdy máselelerdi aiqyndap bergenin atap ótti.
– Memleket basshysy Qasym-Jomart Toqaev tapsyrmany oryndaý kezindegi tiimsiz biýrokratiialyq tásilderdi naqty mysal keltire otyryp aitty. Búginde naqty nátijege baǵyttalǵan kásibi tásil qajet. Bul qaǵidany zań shyǵarý barysynda da ustanýymyz kerek. Májiliste ázirlengen árbir zań Prezidenttiń memleketti damytýdy jáne halyqtyń ál-aýqatyn arttyrýdy kózdeitin mindetterin júzege asyrý úshin jumys isteýi tiis, – dedi «AMANAT» partiiasynyń Tóraǵasy.
– Memleket basshysy ekonomika ósimin jyl saiyn keminde 6 paiyz deńgeiinde qamtamasyz etý jáne 2029 jylǵa qarai JIÓ kólemin 450 mlrd AQSh dollaryna jetkizý jóninde naqty mindet qoidy. Osyǵan bailanysty, Parlament depýtattary men Úkimet birlesip, tyǵyz jumys isteýi kerek. Alda turǵan barlyq mindetti tek osylai ǵana tiimdi júzege asyrýǵa bolady, – dedi Erlan Qoshanov.
Prezident tapsyrmalaryn júzege asyrý jónindegi jiyn barysynda partiia fraktsiiasynyń músheleri de sóz aldy. Ashat Aimaǵambetov halyqty memlekettik áleýmettik qoldaý tetikterin qaita qaraý boiynsha depýtattardyń atqaryp jatqan jumysy týraly, Nurtai Sabilianov Qurylys kodeksine jáne memlekettik satyp alý jónindegi jańa zań jobasyna túzetý engizý boiynsha depýtattardyń júrgizip jatqan jumysy týraly atti.
Al Sergei Ponomarev sý resýrstaryn tiimdi paidalaný jáne Sý kodeksin ázirleý máselesin qozǵasa, Bolatbek Najmetdinuly kólik-logistikalyq áleýetti damytý jónindegi sharalar týraly, Berik Beisenǵaliev biýdjet jáne salyq saiasatynyń tiimdiligin arttyrý boiynsha óz usynysyn aitty.
Nurjan Áshimbetov Prezidenttiń aýyl sharýashylyǵy baǵytyna qatysty tapsyrmalaryn júzege asyrý josparlary týraly málimet berdi.
Jiyndy qorytyndylai kele Májilis Spikeri Erlan Qoshanov «AMANAT» fraktsiiasy Prezident tapsyrmalaryn júzege asyrý jumysyn kúsheitýi tiis ekenin atap ótti.
