Prezident Túrkistannyń jańa ákimshilik ortalyǵyn damytý jobasymen tanysty
Elbasy N.Á.Nazarbaev Túrkistan qalasyna resmi sapary barysynda áýeli Túrkistan qalasynyń damý koptseptsiiasymen tanysyp, saltanatty túrde jańa ákimshilik iskerlik ortalyqtyń kapsýlasyn saldy.
Túrkistan oblysynyń ákimi Janseiit Túimebaev Memleket basshysyna shahardyń josparymen tolyqqandy qulaǵdar etti.
Aldaǵy ýaqytta qala aýmaǵyna qosymsha jer telimi qosylatyn bolady. Onda oblystyq ákimshilik, respýblikalyq aýmaqtyq bólimsheler, kóp qabatty turǵyn úiler, teatr, kitaphana, murajai, mektep, bala-baqsha, stadion, emhana, saiaqbaq syndy ózge de áleýmettik nysandar men túrli qurylymdyq organdardyń ǵimarattary ornalaspaq.
Jańa ákimshilik iskerlik ortalyqtyń turǵyn úige bólingen jer aýmaǵymen qosqandaǵy aýmaǵy 670 gektardy quraidy. Al ákimshilik iskerlik ortalyqtyń jer kólemi 225 gektar bolmaq.
Ortalyqtyń qurylysynyń birinshi deńgeii 2019-2021 jyldarǵa josparlanǵan. Bul ýaqyt aralyǵynda jalpy aýmaqtyń 20 gektary igeriletin bolady. Qurylystyń alǵashqy deńgeiinde oblys ákimdiginiń ǵimaraty (4545 sharshy metr), oblystyq ákimshilik basqarmalardyń nysandary, (24 242 sharshy metr), respýblikalyq aýmaqtyq bólimsheler (56 880 sharshy metr), Kongres hol (15000 sharshy metr), «Túrkistangenplan» ortalyǵynyń (3000 sharshy metr) qurylysy tolyǵymen aiaqtalatyn bolady.
Túrkistan oblysy ákiminiń baspasóz qyzmeti
