Memleket basshysy sý sharýashylyǵy salasynyń qyzmetkerlerin marapattady, dep habarlaidy Dalanews.kz.
Prezident sý sharýashylyǵy qyzmetkerlerin kásibi merekesimen quttyqtap, sý – búkil tirshiliktiń kózi, álemdegi barlyq el úshin asa mańyzdy strategiialyq resýrs ekenin aitty.
"Bizdiń keń baitaq jerimiz bar. Alaida el aýmaǵynyń jartysynan kóbi - shól jáne shóleit jerler. Sondyqtan Qazaqstan úshin sý máselesi ulttyq qaýipsizdik máselesi desek, artyq bolmaidy. Bul sala árdaiym memlekettiń airyqsha nazarynda. 2023 jyly halyqqa joldaýymda men sýdy tiimdi paidalaný jaiyna erekshe toqtaldym. Elimizde Sý resýrstary jáne irrigatsiia ministrligi quryldy. Naqty mindetter aiqyndalyp, aýqymdy reformalar qolǵa alyndy. Jańa Sý kodeksi qabyldandy. Iri infraqurylymdyq jobalar júzege asyrylyp jatyr. Sý nysandaryn salýǵa jáne qalpyna keltirýge qomaqty qarajat bólindi. Shetelden investitsiia tartylyp jatyr. Qazir osy salada 30 myńǵa jýyq adam jumys isteidi. Olar qala men aýyldy, óndirister men egis alqaptaryn sýmen qamtamasyz etip jatyr", – dedi Qasym-Jomart Toqaev.
Prezident sý salasynda myqty mamandar áli de jetispeitinin atap ótti.
"Byltyr Qazaq ulttyq sý sharýashylyǵy jáne irrigatsiia ýniversiteti quryldy. Osy mamandyqqa bólinetin grant sany eki ese artty. 500-den asa stýdent biýdjet qarjysyna bilim alyp jatyr. Olar oqýyn aiaqtaǵan soń "Diplommen – aýylǵa" baǵdarlamasy aiasynda jumys istei alady. Sondai-aq, 120 qyzmetker Qytaida tájiribe almasyp, qosymsha bilim alyp jatyr. Sý sharýashylyǵy mamandarynyń áleýmettik jaǵdaiyn jaqsartýǵa basa mán berilip jatyr. Byltyr olardyń jalaqysy 25 paiyzǵa ósti. Biyl da kóbeiedi. Bir sózben aitsaq, júieli jumys istelip jatyr", – dedi Memleket basshysy.
