Shyrshaǵa az qamtylǵan jáne kóp balaly januialardan shyqqan, oqýda ozat, túrli sport básekelerinde jetistikke jetken 100-ge jýyq bala qatysty.
Baldyrǵandarǵa arnalǵan túrli qoiylym, mýltfilm keiipkerleri jáne sýper qaharmandardyń qatysýymen oiyn-saýyq baǵdarlamasy ázirlendi.
Prezident shyrshasy balalar erekshe daiyndalyp, árkim ózi ázirlegen kiim úlgisin tanystyrdy.
Sonyń ishinde Soltústik Qazaqstan oblysy, Shal aqyn aýdany, Sergeevka aýylynan kelgen 6 «a» synyp oqýshysy Saniia Akpanovanyń kiim úlgisi erekshe kózge tústi.
«Otty Samuryq qusy» kiim úlgisin ázirleýge birshama ýaqyt ketken.
«Akademik E.A.Bóketov atyndaǵy mektep-gimnaziiasynda" oqityn Saniianyń aitýynsha samuryq qustyń basy aliýminii symnan, megapleksten, foamirannan, lentaly paetkadan, sándik tastardan, altyn tústi kartonnan ázirlengen.
Samuryq jumyrtqasy geldi shardan, megopleksten, sándik tordan jáne qurǵaq altyn jaltyraqtan jasalǵan. Kóilek partcha matasynan, shilterli torly materialdan, foamirannan, qaýyrsyndardan, sándik tastardan tigilgen.
Samuryq – qazaq mádenietinde de, halqymyzdyń tarihynda da eleýli oryn alatyn miftik qus. Ańyzdarǵa súiensek, samuryq jumyrtqasynan qaita týylý múmkindigi bar qus, bul bizdiń kiimimizdiń mańyzdy atribýttarynyń biri bolyp tabylady. Samuryq jumyrtqasy qaita jandanýdy jáne bolashaqqa degen úmitti bildiredi.
Óziniń simvoldyq kúshimen samuryq qusy Qazaqstannyń mádeni jáne rýhani landshaftyna sán berip, baiytady. Ol ádemi qaýyrsyndardan jasalǵan altyn tóbemen bezendirilgen sulý da, ádemi basyn joǵary ustap, sol sulýlyǵyn maqtanyshpen kórsetedi.
Bul jerde qustyń basy – qazaq halqynyń ǵasyrlar boiy alyp kele jatqan danalyǵyn beineleidi. Ol jaryq, otty qanatyn álemge, kúnge keń ashtynyn aiqyndap tur. Qustyń qanaty – bizdiń baitaq elimizdiń ulan-ǵaiyr keńistiginiń beinesi. Samuryqtyń quiryǵy otty soqpaqtai sozylyp, altyn sáýlelermen jarqyrap, kún nuryn shashyp turǵandai, halqymyzdyń tarihi jadyn beineleidi.
Merekelik sharada Oqý-aǵartý ministri Ǵani Beisembaev Memleket basshysy Qasym-Jomart Toqaevtyń quttyqtaý hatyn oqý, balalarǵa arnaiy syilyqtar tabystady. Arnaiy qapshyqtyń ishinde balalarǵa arnalǵan sómke, aipad, entsiklopediia kitaptar toptamasy jáne táttiler bar.
Ár óńirden kelgen balalar 3 kún boiy Astananyń ásem jerlerin aralap, teatrdaǵy túrli qoiylymdardy tamashalaǵan.
Prezident shyrshasyn qatysyp jatqan oqýshylardyń da kóńil-kúii erekshe.
